Пры абстрэле ў Карабаху загінуў намеснік камандуючага падводнымі сіламі Паўночнага флота РФ. Ён быў у міратворчым кантынгенце
Намеснік камандуючага падводнымі сіламі Паўночнага флоту па вайскова-палітычнай працы капітан 1-га рангу Іван Коўган загінуў у выніку абстрэлу ў Нагорным Карабаху 20 верасня. Пра гэта паведамляюць расійскія медыя.
Іван Коўган быў намеснікам камандуючага расійскім міратворчым кантынгентам у Нагорным Карабаху.
Прэзідэнт Азербайджана Ільхам Аліеў прынёс прабачэнні і выказаў спачуванні ў сувязі з гібеллю расійскіх міратворцаў у Нагорным Карабаху, як паведаміла прэс-служба Крамля. Аліеў патэлефанаваў з прабачэннямі Пуціну.
Пра гібель расійскіх міратворцаў у Карабаху напярэдадні паведаміла Мінабароны Расіі, не ўдакладніўшы колькасць загінулых. Гэта адбылося ўжо пасля таго, як Сцепанакерт абвясціў аб раззбраенні на азербайджанскіх умовах.
«20 верасня падчас вяртання з назіральнай пасады расійскага міратворчага кантынгенту ў раёне населенага пункта Джанятаг аўтамабіль з расійскімі вайскоўцамі абстралялі са стралковай зброі», — гаварылася ў паведамленні.
Аліеў прынёс Пуціну прабачэнні, а таксама выказаў гатоўнасць аказаць матэрыяльную дапамогу семʼям загінулых міратворцаў, сцвярджае Крэмль. Прэзідэнт Азербайджана, паводле паведамлення, заявіў, што будзе праведзена «дбайнае расследаванне» таго, што адбылося.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА42
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары