Расіянін прыехаў купляць аўто ў Слонім з чамаданам падробленых даляраў
У адным з аддзяленняў банка ў Слоніме пры абмене на беларускія рублі ў касіра выклікалі сумнеў 306 банкнот па 100 даляраў ЗША. Супрацоўнікі міліцыі затрымалі кліента, грамадзяніна РФ, які прыехаў у Беларусь для набыцця легкавога аўтамабіля.
Мужчына сцвярджаў, што грашовыя сродкі набываў у банкаўскіх установах на тэрыторыі РФ і, на яго думку, яны зʼяўляюцца сапраўднымі.
Таксама ў расіяніна канфіскаваныя дадатковыя 393 банкноты наміналам па 100 даляраў ЗША. Яны былі сапраўднымі.
Судэксперты адзначылі высокую якасць вырабу падробленых даляраў ЗША і тое, што раней такія фальшыўкі на тэрыторыі Рэспублікі Беларусь не сустракаліся.
Распачата крымінальная справа па ч. 2 арт. 221 (выраб або захоўванне або збыт падробленых грашовых знакаў у асабліва буйным памеры).
Цяпер чытаюць
Аналітык Генштаба, які маляваў карту «адкуль рыхтавалася нападзенне», апынуўся ў СІЗА КДБ за працу на ўкраінскую разведку7
Каментары