Начальнік Галоўнага ўпраўлення разведкі Міністэрства абароны Украіны Кірыла Буданаў распавёў выданню The War Zone, што цэлямі ўкраінскіх беспілотнікаў, якія ў сераду атакавалі расійскую тэрыторыю, былі цэнтр радыёсувязі, аэрапорт у Маскве і авіябаза ў Растоўскай вобласці, піша Бі-бі-сі
«Сёння [у сераду] мы правялі некалькі аперацый з выкарыстаннем беспілотнікаў», — сказаў Буданаў.
Акрамя атакі на цэнтр радыётэхнічнай разведкі (Буданаў не ўдакладніў, дзе ён знаходзіцца), удары былі нанесеныя па аэрапорце «Астаф'ева» ў Маскве і авіябазе «Мілерава» ў Растоўскай вобласці.
Усяго было задзейнічана каля 50 беспілотнікаў, сказаў Буданаў. Маштабы шкоды, паводле яго слоў, высвятляюцца.
Па дадзеных сістэмы пажарнай інфармацыі NASA, ні ў «Астаф'ева», ні ў «Мілерава» пажараў не было, піша The War Zone.
Расійскія ўлады напярэдадні заявілі, што збілі ўсе беспілотнікі, якія атакавалі расейскія рэгіёны. Мінабароны Расіі паведамляла аб 45 збітых дронах.
Пазамінулай ноччу мэр Масквы Сяргей Сабянін паведаміў аб 10 збітых беспілотніках у раёне Падольска і назваў атаку адной з самых маштабных за ўвесь час.
Падольск знаходзіцца побач з аэрапортам «Астаф'ева», які выкарыстоўваюць расійскія вайскоўцы.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары