Еўракамісія вырашыла адкласці ўвядзенне Сістэмы ўезду/выезду (EES) — аўтаматызаванага рэестра для падарожнікаў, які павінен быў запрацаваць праз месяц, 10 лістапада. Гэтая сістэма павінна замяніць традыцыйны фізічны штамп у пашпарце, паведамляе Euronews.com.
«Відавочна, што гэта не пачне працаваць 10 лістапада», — сказала камісар па ўнутраных справах Ілва Юхансан пасля сустрэчы міністраў унутраных спраў краін ЕС у чацвер, адзначыўшы, што тры краіны-члены ЕС прызналі, што яшчэ не гатовыя. Раней дыпламаты ў Бруселі заяўлялі, што гаворка ідзе пра Германію, Францыю і Нідэрланды.
«У нас таксама ёсць некаторыя асцярогі наконт устойлівасці сістэмы», — дадала еўракамісар, прапанаваўшы паступовы падыход, які дазволіць уводзіць EES «крок за крокам».
EES — гэта комплексная рэформа, якая распрацоўваецца ўжо даўно і неаднаразова адкладалася. Яе галоўная мэта — мадэрнізацыя праверак на замежных межах ЕС і замена традыцыйнага фізічнага штампа ў пашпарце.
Сістэма будзе распаўсюджвацца на грамадзян краін, што не ўваходзяць у ЕС, якія прыязджаюць як турысты або з дзелавымі мэтамі і знаходзяцца тут 90 дзён у межах 180-дзённага перыяду.
Пасля ўвядзення сістэмы ў дзеянне, наведвальнікі пры прыбыцці павінны будуць прад’яўляць пашпарты, а таксама фатаграфавацца і рабіць электронны скан адбіткаў пальцаў. Усе ўезды і выезды з бязвізавай Шэнгенскай зоны будуць фіксавацца.
Збор біяметрычных даных і абмен інфармацыяй у рэальным часе закліканы дапамагчы ўладам спыняць дзейнасць тых, хто імкнецца перавысіць тэрмін кароткатэрміновай візы або здзяйсняе махлярства з асабістымі данымі.
У схеме прымуць удзел усе краіны-члены ЕС, акрамя Кіпра і Ірландыі, а таксама чатыры дзяржавы-асацыяваныя члены Шэнгенскага пагаднення: Ісландыя, Ліхтэнштэйн, Нарвегія і Швейцарыя.
На Кіпры і ў Ірландыі штампы ў пашпартах па-ранейшаму будуць ставіцца ўручную.
Пасля працяглага росту ў Беларусі прыкметна знізіўся попыт на нерухомасць. Чаму так адбываецца?4
Пасля працяглага росту ў Беларусі прыкметна знізіўся попыт на нерухомасць. Чаму так адбываецца?
«Тое, што хтосьці «сядзіць за палітыку», з'яўляецца «часткай пейзажу». Беларуска, якая наведала радзіму пасля доўгага перапынку, падзялілася ўражаннямі88
Каментары