Заснавальнік вядомага кніжнага сэрвісу «Флібуста» Stiver напісаў перадсмяротны пост, згодна з якім ён выказваў намер зрабіць эўтаназію ў Германіі.
«Калі ўсё пойдзе па плане, то заўтра, у нядзелю 20.10, атрымаю смяротную дозу тыапенталу. Калі не адпішуся ў панядзелак, значыць спрацавала», — паведаміў Stiver.
У панядзелак ён не адпісаўся.
У канцы верасня Stiver паведаміў пра закрыццё сайта, паколькі ў яго знайшлі пухліну мозгу. Пазней ён, праўда, напісаў, што анлайн-бібліятэка працягне працу і пасля ягонай смерці.
Каментары