Расійскія чыноўнікі пахвалілі настаўнікаў, якія на загад беларуса надзелі шапачкі з фольгі
На думку міністэрства адукацыі Варонежскай вобласці, шлемы з фольгі для абароны ад НАТА выглядалі вельмі пераканаўча.
Міністэрства адукацыі Варонежскай вобласці афіцыйна пракаментавала пранк беларускага акцыяніста Уладзіслава Бохана над расійскімі настаўнікамі.
Бохан ад імя «Адзінай Расіі» даручыў настаўнікам вырабіць шапачкі з фольгі для абароны ад «апрамянення спадарожнікамі НАТА». Педагогі заданне выканалі.
Чыноўнікі ад адукацыі ў тэлеграм-канале ведамства настаўнікаў за гэта пахвалілі.
«Педагогі ў чарговы раз прадэманстравалі свой патрыятычны настрой, высокую стараннасць і крэатыўны падыход да любой задачы («шлемы» з фольгі глядзяцца вельмі пераканаўча)», — заявілі ў міністэрстве.
Пры гэтым чыноўнікаў крыху знервавала, што настаўнікі не змаглі распазнаць пранк.
«З іншага — вядома, расчаравала, што яны не змаглі адрозніць сапраўдную партыйную ініцыятыву ад недарэчнага жарту. Мяркуем, гэта збольшага звязана з асаблівай увагай да бяспекі грамадзян у рэгіёне — нават у гэтым жарце асцярожныя педагогі вырашылі знайсці долю праўды», — гаворыцца ў паведамленні.
У міністэрстве адзначылі, што настаўнікам ужо патлумачылі правілы інфармацыйнай бяспекі. А аўтары найбольш удалых «шлемаў», як заяўляецца, высвятляюць адрас пранкера, каб накіраваць яму свае вырабы.
Чыноўнікі выказалі надзею, што ў настаўнікаў не будзе праблем з-за выкарыстання сімволікі «Адзінай Расіі».
Каментары
Бывает.
Это ж не повод ломать систему.
Которая прекрасно работает.
Даже поощрить должны.
Ну, как часового, который прапора застрелил.
Алгоритм то работает, значит порядок.
А зная уровень идиотизма, которым по таким разнарядкам приходится заниматься - шапочка из фольги вообще подозрений не вызывает.