«Вашынгтон Кэпіталз» Аляксея Протаса выйшаў у другі раўнд Кубка Стэнлі
У пятым матчы серыі першага раўнду Кубка Стэнлі «Вашынгтон Кэпіталз» на хатняй арэне перайграў «Манрэаль Канадыенс» з лікам 4:1 і з такім жа лікам выйграў серыю.
За «Вашынгтон» згуляў беларускі форвард Аляксей Протас, які раней прапусціў дзесяць матчаў з-за траўмы.
Ён гуляў на правым флангу чацвёртага звяна. Аляксей правёў на лёдзе 16 хвілін 48 секунд (з іх 1:23 у меншасці), нанёс адзін няўдалы кідок, заблакаваў адзін кідок суперніка, здзейсніў адзін сілавы прыём, дапусціў адну страту і завяршыў матч з паказальнікам карыснасці «0».
У наступным раўндзе «Вашынгтон» згуляе з «Каралінай Харыкейнз». Клуб Аляксея Протаса ўпершыню за сем гадоў прайшоў у другі раўнд Кубка Стэнлі. Апошні раз «Кэпіталз» дасягалі гэтага ў чэмпіёнскім сезоне 2017/18.
Аляксей — адзіны з сямі беларусаў у гэтым сезоне Нацыянальнай хакейнай лігі, які дабраўся да розыгрышу Кубку Стэнлі.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай3
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць2929
Каментары