Расійскага блогера-жанчынаненавісніка затрымалі за «рэабілітацыю нацызму»
Гэта не першая крымінальная справа супраць Арсэна Маркарана: у студзені паведамлялася, што яго падазраюць у публічных закліках да тэрарыстычнай дзейнасці, піша «Руская служба Бі-бі-сі».
Перад затрыманнем мужчына спрабаваў з'ехаць у Беларусь, піша расійскі тэлеграм-канал Двач.
Па інфармацыі ТАСС, Маркарана затрымалі ў Маскоўскім рэгіёне і адвезлі ў Следчы аддзел для допыту. У каментары ведамства гаворыцца пра «абразу памяці абаронцаў Айчыны», гэта адна з фармулёвак артыкула 354.1 КК Расіі аб «рэабілітацыі нацызму». Яна прадугледжвае да пяці гадоў пазбаўлення волі.
Паводле звестак тэлеканала РЕН ТВ, справу завялі вясной і тады ж абвясцілі Маркарана ў вышук пасля таго, як ён апублікаваў ролік, зняты на фоне Крамля.
Арсен Маркаран вядомы сваімі негатыўнымі выказваннямі да жанчын. На яго ютуб-канал падпісаныя больш, чым 200 тысяч чалавек — там ён расказвае пра перавагу мужчын над жанчынамі.
Каментары