Двое падлеткаў у Пухавіцкім раёне на дзень народзінаў сяброўкі ўгналі аўтамабіль
Адразу два выпадкі ўгону аўтамабіля сталі падставай для звароту жыхароў Пухавіцкага раёна ў міліцыю. Абодва злачынствы былі здзейсненыя ў адну і тую ж ноч.
У Навасёлках невядомыя скарысталіся незачыненымі дзвярыма і забраліся ў ВАЗ, прыпаркаваны ля прыватнага дома. На суседняй вуліцы невядомыя аналагічным спосабам праніклі ў аўто Lada Granta, ключы ад якога былі ў замку запальвання.
Эксперты Дзяржкамітэта судовых экспертыз на палімернай бутэльцы, якая знаходзілася ўнутры ВАЗ, а таксама з боку дзвярэй Lada Granta выявілі два сляды пальцаў.
Высветлілася, што да ўгону датычныя 16– і 17‑гадовы хлопцы. Яны прызналіся, што ў тую ноч вырашылі адзначыць дзень нараджэння сваёй сяброўкі, прычым для поўнага адчування свята ім абавязкова спатрэбіўся аўтамабіль. Тады адзін з хлопцаў прапанаваў узяць суседскі аўтамабіль, які заўсёды заставаўся на ноч незачынены. На аўтамабілі хлопцы даехалі да суседняй вуліцы, дзе ўспомнілі пра яшчэ адну машыну.
Забраўшы яе, яны на дзвюх машынах каталіся па раёне і адзначалі свята, у тым ліку ўжываючы алкаголь.
Заведзена крымінальная справа.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА29
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары