Тут жыла савецкая эліта. У Мінску прадаецца рэдкая кватэра за $720 000
Завулак Вайсковы — ціхая мясціна ў цэнтры Мінска, якая знакамітая сваёй гісторыяй. Калісьці тут будавалі нізкія шматпавярховікі і прыватныя дамы для савецкай эліты. Элітным завулак застаецца дагэтуль, а жыллё на продаж тут з'яўляецца вельмі рэдка.
Цяпер па адрасе зав. Вайсковы, 10, прадаецца кватэра, адзін з пакояў якой мае плошчу тыповай «мінсксветаўскай» маламеркі, піша Onliner.by.
Дом па гэтым адрасе мае сем паверхаў і разлічаны ўсяго на 21 кватэру. А гэта значыць, што кожная з іх праектавалася даволі прасторнай, з вялікімі пакоямі і высокімі столямі. Цагляны будынак быў узведзены ў перыяд з 1969 па 1971 год і прызначаўся непасрэдна для людзей высокіх партыйных пасад. «Тут жылі выключна сем'і міністраў і акадэмікаў», — удакладняецца ў аб'яве.
Стылістыка дома — мадэрнізм другой хвалі. Над архітэктурай у свой час працавалі Натан Шпігельман і Сталін Федчанка. І няхай зараз такой архітэктурай нікога не здзівіш, на той момант праект моцна вылучаўся сярод іншых сталічных аб'ектаў.
Вакол — зеляніна, прастор і цішыня.
На гэты момант у доме выстаўлена на продаж кватэра плошчай 150 кв. м. У ёй чатыры пакоі плошчай ад 17 да 30 метраў. Рыэлтар адзначае:
— Спланаваныя чатыры пакоі з вялікай лоджыяй з падагрэвам і панарамнымі рассоўнымі вокнамі. Ёсць два маленькія балконы з відам на завулак і тэлевышку. Усе памяшканні прасторныя, камфортныя і напоўненыя дзённым святлом.
Інтэр’ер у кватэры з элементамі класікі. Шмат дрэва і велічных элементаў. Гледзячы на абстаноўку, нельга не парэфлексіраваць пра тое, як моцна праз гады змянілася паняцце дарагога і элітнага інтэр’ера. Дарэчы, былы ўласнік дома значна абнавіў рамонт, пакінуўшы стылістыку:
— Паколькі ўласнік меркаваў жыць у кватэры доўгі час, рамонт рабіўся для сябе, на сумленне. Быў зроблены капітальны рамонт з поўным выдаленнем усёй тынкоўкі і выраўноўваннем сцен. Замененыя праводка і трубаправодная гаспадарка, у тым ліку каналізацыя і ацяпленне. На падлогу пакладзена трохслойная дубовая паркетная дошка. Зробленая цепла– і гукаізаляцыя падлогі. Дубовыя шклопакеты дапоўненыя мармуровымі падаконнікамі. Міжпакаёвыя італьянскія дзверы зробленыя з масіву вольхі.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары