Аднак яго не адпускаюць з спэцпрыёмніку-разьмеркавальніку на Акрэсьціна
19 траўня менскі Цэнтральны суд асудзіў завочна Вячаслава Сіўчыка – ён у той час знаходзіўся ў Кіеве – на 10 сутак арышту за ўдзел у сакавіцкіх акцыях супраціву на Кастрычніцкай плошчы.
Вячаслава Сіўчыка затрымалі ўвечары 12 верасьня ў кавярні Малой сцэны, калі ён сустракаўся з журналістам Паўлюком Быкоўскім.
Палітык накіраваў у Менскі гарадзкі суд абскарджаньне – тэрмін даўніны па адміністрацыйнай справе складае два месяцы. Такім чынам ён скончыўся 19 ліпеня. Суд задаволіў скаргу і накіраваў справу на перагляд.
Сваякі Вячаслава атрымалі адпаведны дакумэнт зь Менскага гарадзкога суду ўвечары 14 верасьня. Сёньня з раніцы яны перадалі пастанову на Акрэсьціна і дагэтуль дзяжураць ля спэцпрыёмніка.
Паводле слоў жонкі палітыка Ганны Сіўчыка, вядома, што В.Сіўчык на дадзены момант (14:30) знаходзіцца на Акрэсьціна, але ніхто ня кажа ім пра яго далейшы лёс. "Нам кажуць, што трэба чакаць нейкага начальніка, які цяпер на нарадзе».
Людзей увесь час блытаюць – ахова сьцьвярджае, што арыштаванага адвезьлі ў суд, у дзяжурнай часьці адказваюць, што той знаходзіцца ў СІЗА. Прысутныя каля спэцпрыёмніка бачылі, як Сіўчыка прывозілі аднекуль з гораду. Але высьветліць куды і навошта яго вазілі не ўдаецца.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары