Прагноз надвор'я на 18 -20 верасня.
Згодна з прагнозам Рэспубліканскага гідраметэацэнтра, у найбліжэйшыя суткі, 18 верасня, у Беларусі чакаецца воблачна з праясненнямі. Ноччу на большай частцы тэрыторыі пройдуць дажджы, у асобных раёнах Гомельскай і Магілёўскай абласцей моцныя дажджы. Днём месцамі па краіне кароткачасовыя дажджы. Раніцай па захадзе слабы туман. Вецер паўднёва-заходні 5—10 м/с, днём парывы да 14 м/с. Тэмпература паветра ноччу плюс 6—13°С,
днём 13—19°С.
У Мінску 18 верасня воблачна з праясненнямі. Ноччу кароткачасовы дождж, днём без істотных ападкаў. Вецер паўднёва-заходні 5—10 м/с, днём парывы да 12 м/с. Тэмпература паветра ноччу 8—10°С,
днём 14—16°С.
У наступныя двое сутак сіноптыкі прагназуюць пераменную воблачнасць. 19 верасня ноччу ў краіне пераважна без ападкаў. Днём у асобных раёнах, у асноўным па поўначы, невялікія кароткачасовыя дажджы. Ноччу і раніцай па поўдні месцамі туман. Вецер паўднёва-заходні 5—10 м/с, днём па поўначы парывы да 14 м/с. Тэмпература паветра ноччу плюс 3—9°С, у нізкіх месцах на глебе і на тарфяніках слабыя замаразкі да 0 — мінус 2°С;
днём плюс 12—18°С.
У Мінску 19 верасня чакаецца пераменная воблачнасць, без істотных ападкаў. Вецер паўднёва-заходні 5—10 м/с. Тэмпература паветра ноччу плюс 5—7°С, днём 14—16°С.
20 верасня ноччу пераважна без ападкаў, днём месцамі па захадзе кароткачасовыя дажджы, магчымы навальніцы. Ноччу і раніцай у асобных раёнах туман. Вецер паўднёва-заходні 4—9 м/с, днём парывы да 14 м/с. Тэмпература паветра ноччу плюс 3—9°С, у нізкіх месцах на глебе і на тарфяніках слабыя замаразкі да 0 — мінус 2°С; днём плюс 13—19°С.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам11
Каментары