Пасля вынясення прыгавору Дашкевічу і Лобаву іх прыхільнікі памаліліся за асуджаных каля будынка суда
Пасля вынясення прыгавору Дашкевічу і Лобаву іх прыхільнікі памаліліся за асуджаных каля будынка суда Маскоўскага раёна Мінска.
У імправізаванай акцыі ўзялі ўдзел каля 30 чалавек, у асноўным сваякі і знаёмыя асуджаных. Яны прачыталі малітву і праспявалі гімн «Магутны Божа», пасля чаго разышліся. За акцыяй назіралі супрацоўнікі праваахоўных органаў у цывільным, але яе правядзенню не перашкаджалі. Пасля заканчэння акцыі ніхто затрыманы не быў.
Лідар міжнароднага грамадскага аб’яднання «Малады фронт» (Чэхія) Дзмітрый Дашкевіч прыгавораны да двух гадоў пазбаўлення волі ў калоніі агульнага рэжыму, актывіст гэтай арганізацыі Эдуард Лобаў — да чатырох гадоў у калоніі ўзмоцненага рэжыму. Такое рашэнне абвясціла 24 сакавіка суддзя Маскоўскага раёна Мінска Алена Шылько.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары