У Мінску адзін грузавік перавярнуўся, другі ўрэзаўся ў будынак, пад Баранавічамі — трапіў у лабавое.
За апошнія два дні ў краіне зафіксаваныя некалькі дарожна-транспартных здарэнняў з цяжкімі наступствамі, у якія трапілі грузавікі МАЗ.
29 верасня пад Баранавічамі ў вёсцы Зорная МАЗ выехаў на сустрэчную паласу і лоб у лоб сутыкнуўся з мікрааўтобусам «Фольксваген», паведамляе газета «Intex-press». Кіроўца апошняга памёр па дарозе ў бальніцу. Вадзіцель МАЗа, як высветлілася, ў ліпені быў пазбаўлены пасведчання на тры гады.
У той самы дзень у Мінску на Партызанскім праспекце кіроўца МАЗа не справіўся з кіраваннем і выехаў па-за межы дарогі. Грузавік урэзаўся ў невялікія прыступкі Дома быту. Мужчына быў цвярозы, у выніку здарэння ніхто не пацярпеў, адзначае партал Auto.onliner.by.
Раніцай 30 верасня ў Мінску на вуліцы Кальварыйскай у выніку заносу перавярнуўся МАЗ, паведамляе Auto.onliner.by. У яго ўрэзалася «Таёта», якая ў выніку сутыкнення зачапіла «Аўдзі». Пацярпелі кіроўца «Таёты» і яе пасажырка, а таксама кіроўца грузавіка.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары