55‑hadovaha pradprymalnika asudzili za palityku: jon štodnia spračaŭsia z vatnikami ŭ Z‑čatach
Aleh Łabudzieŭ rodam ź Biarozy, ale apošnija hady žyŭ u staličnym rehijonie. Mužčynu asudzili za «zakliki da sankcyj».
Aleh Łabudzieŭ naradziŭsia ŭ 1971 hodzie. Jon vyras u Biarozie Bresckaj vobłaści.
U 2014 hodzie mužčyna adkryŭ u rodnym rajonie IP i na praciahu dziesiaci hadoŭ zajmaŭsia roźničnym handlem adzieńniem, pakul u vieraśni 2024 hoda nie pačaŭ praces likvidacyi biznesu. Apošnija hady Aleh žyŭ u staličnym rehijonie.
U telehramie Łabudzieŭ byŭ padpisany na bolš čym sotniu roznych supołak — ad kryptavalutnych čataŭ i minskich barachołak da palityčnych kanałaŭ roznych palityčnych polusaŭ. U 2020 hodzie mužčyna hałasavaŭ za pieramieny, adnak paźniej mocna rasčaravaŭsia ŭ dziejnaści demakratyčnych siłaŭ za miažoj. U dyskusijnych čatach jon rezka krytykavaŭ Śviatłanu Cichanoŭskuju, Paŭła Łatušku i kamandu Viktara Babaryki.
Asnoŭnuju ž častku času ŭ sietcy Aleh pravodziŭ u rasijskich vajennych i palityčnych čatach, kudy prychodziŭ spračacca z prychilnikami Kramla. U sotniach kamientaroŭ jon paśladoŭna abaraniaŭ Ukrainu, sa spasyłkami na spravazdačy ABSIE i AAN abviarhaŭ mify rasijskaj prapahandy pra Danbas i Krym, vyśmiejvaŭ rasijskaje vojska i nazyvaŭ Uładzimira Pucina «plašyvym mańjakam», jaki viadzie svaju krainu da krachu i zaležnaści ad Kitaja.
Imavierna, mužčynu aryštavali ŭ siaredzinie śniežnia 2025 hoda — apošnija paviedamleńni ŭ jahonym akaŭncie źjavilisia ŭviečary 15 śniežnia, paśla čaho jon pierastaŭ vychodzić na suviaź.
Aleha Łabudzieva asudzili pavodle artykuła 361 Kryminalnaha kodeksa («Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Biełarusi»). Dakładny termin pakarańnia nieviadomy, ale ŭ takich spravach, jak i za «sadziejničańnie ekstremisckaj dziejnaści», sudy zvyčajna pryznačajuć realnaje pazbaŭleńnie voli.
Niadaŭna prysud nabyŭ zakonnuju moc, i KDB dadaŭ mužčynu ŭ śpis «terarystaŭ».
«Naša Niva» — bastyjon biełaruščyny
PADTRYMAĆCiapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6464
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi64
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ55
Kamientary