Biełarusy niezadavolenyja kancertam «Tatu» ŭ Minsku — bo artystki śpiavali nie na ruskaj movie
Hurt «Tatu», jaki budavaŭ svaju karjeru na pieśniach pra kachańnie dźviuch dziaŭčat, ciapier sprabuje paźbiehnuć abvinavačvańniaŭ u prapahandzie ŁHBT. Zamiest pacałunkaŭ na scenie ciapier trymańnie za ruki, a niekatoryja pieśni hučać tolki pa-anhlijsku. Tak było i na kancercie ŭ Minsku.
«Tatu» ŭpieršyniu z 2001 hoda dali paŭnavartasny kancert u biełaruskaj stalicy (u 2021 hodzie hurt pryjazdžaŭ u Minsk jak chedłajniery fiestyvalu Ovion Show — ale tady artystki praśpiavali ŭsiaho try pieśni).
Vystupali «Tatu» ŭ «Pałacy sportu», kvitki kaštavali ad 155 da 295 rubloŭ.
Milenijały, jakija čverć stahodździa čakali viartańnia lubimaha hurta, akazalisia rasčaravanymi. I hałoŭnaja pretenzija, jakuju čaściej za ŭsio ahučvajuć u sacsietkach — heta moŭnaje pytańnie.
Hledačy rychtavalisia padpiavać lubimym chitam svaich školnych hadoŭ na ruskaj movie, a «Tatu» absalutnuju bolšaść piesień vykanała na anhlijskaj.
Pryčyna takoha rašeńnia vielmi prostaja: strohija rasijskija zakony nakont prapahandy ŁHBT (u 2024 hodzie ŭ Rasii pryznali ŁHBT-supolnaść ekstremisckim rucham). Letaś Alena Kacina raspaviadała ŭ intervju, što hurt vyrašyŭ nie śpiavać šmat jakija aryhinalnyja viersii piesień, bo baicca, kab nie abvinavacili «ŭ prapahandzie nie taho, što treba».
Anhłamoŭnyja teksty śpiavački (i, imavierna, rasijskija cenzary) ličać bolš prystojnymi. Sama ž Kacina pryznavałasia: varyjantaŭ u ich było nie šmat. Ci śpiavać pa-anhlijsku, ci pierapisać teksty pa-rusku tak, kab u ich nie pabačyli niejkich namiokaŭ na adnapołaje kachańnie.
Mianiać kultavyja radki śpiavački taksama nie pahadzilisia.
Julija Vołkava ŭ inšym intervju taksama tłumačyła rašeńnie vykonvać bolšuju častku repiertuaru na zamiežnaj movie tym, što hurt «šanuje tradycyi i pavažaje zakony svajoj krainy».
Tamu na kancercie ŭ Minsku momantami situacyja vyhladała kamičnaj. Tak, u adnoj sa svaich samych znakamitych piesień «Ja sošła s uma» Julija Vołkava i Alena Kacina śpiavali kuplety na ruskaj movie, a prypieŭ — na anhlijskaj. Publika ŭ zale kryčała ruskamoŭnuju viersiju chita, ale artystki nie zdavalisia.
Treba adznačyć, što i toje jany zrabili pasłableńnie dla biełaruskich fanataŭ — u Rasii «Tatu» hetuju pieśniu śpiavajuć całkam pa-anhlijsku.
Taksama raniej śpiavački paabiacali rasijskim uładam, što buduć pavodzić siabie na scenie prystojna, a nie tak, jak u nulavyja. Tamu i ŭ Minsku zamiest pacałunkaŭ na scenie było trymańnie za ruki.
Tamu šmat chto z naviedvalnikaŭ kancertu zastaŭsia niezadavoleny. Błohierka Jaŭhienija Tarasiuk razam ź siabroŭkami jechała z Hrodna, kab pasłuchać «Tatu», — kažuć, zmarnavali čas.
Salist «Troch dzion daždžu» pra skandalny kancert u Minsku: Praz stan majho zdaroŭja my nie zmahli vykanać usiu prahramu tak, jak chacieli
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Aŭtar pieśni «Vładimir Putin — mołodiec!» pryjechaŭ u Biełaruś skarać «Faktar.by»
Ciapier čytajuć
34‑hadovaha aficera-ideołaha z Hrodna adpravili ŭ kałoniju pa palityčnaj spravie15
34‑hadovaha aficera-ideołaha z Hrodna adpravili ŭ kałoniju pa palityčnaj spravie
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6262
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi62
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ33
Kamientary
A tutejšyja Ełački vuń za 300 kiłamietraŭ jechali, ciapier płačucca.