Džoni Dep viartajecca ŭ vialikaje kino. Dep syhraŭ Skrudža ŭ novaj ekranizacyi «Kaladnaj pieśni» Dykiensa — «Skrudž i duch Kaladaŭ» (Ebenezer). Jaho vypuskaje studyja Paramount, režysior Ci Vest. Heta pieršy film vialikaj studyi z Depam paśla sudoŭ z byłoj žonkaj Embier Chiord, piša Bi-bi-si.
Dep źnik z Halivuda, kali ŭ 2020 hodzie prajhraŭ u Brytanii sud ab paklopie suprać haziety The Sun, jakaja nazvała jaho mužam, što bje žonku. Sudździa vyrašyŭ, što hazieta ŭ asnoŭnym pisała praŭdu, i Warner Bros adrazu prybrała Depa z «Fantastyčnych źviaroŭ».
U 2022 hodzie ŭ ZŠA jon vyjhraŭ sud ab paklopie suprać Chiord, ale padčas pracesu publicy stali viadomyja padrabiaznaści ich stasunkaŭ i ŭžyvańnia narkotykaŭ.
Sam Dep kazaŭ, što Halivud abjaviŭ jamu bajkot.
Hałoŭnaja tema rekłamnaj kampanii novaha filma — viartańnie Depa. U trejlery zhadvajuć jaho viadomyja roli, a sam jon kaža, što rady viarnucca.
Viartańnie moža atrymacca, ličać ekśpierty industryi. Dep vyjhraŭ sud u ZŠA, a vobraz buntara i tak byŭ častkaj jaho brenda. Da taho ž Halivud daruje, kali heta prynosić hrošy, a fanaty padčas sudoŭ aktyŭna padtrymlivali akciora.
U pieršy ŭik-end film, pavodle prahnozu, film źbiare 22 młn dołaraŭ, a za ŭvieś prakat u ZŠA bolš za 100 młn. Biudžet filma kala 38 młn.
Dep i paśla sudoŭ zdymaŭsia ŭ Jeŭropie, u 2023 hodzie byŭ u Kanach i zastaŭsia tvaram Dior. A ŭ Chiord u «Akvamenie-2» była tolki nievialikaja rola, i z taho času jana nidzie nie zdymałasia.
Kali film atrymaje pośpiech, Dep moža viarnucca ŭ «Pirataŭ Karybskaha mora»: pradziusar Džery Brakhajmier užo skazaŭ, što franšyzu adnaŭlajuć ź im. Taksama ŭ sakaviku vyjdzie tryler «Dzionny pjanica» ź Pieniełopaj Krus, i ŭ jaho trejlery taksama abyhryvajecca tema viartańnia samoha Depa.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6464
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi64
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ33
Kamientary