U apošnija hady jon pracavaŭ u meblevym biznesie.
U 43‑hady pamior amierykanski akcior Kryścijan Kazins. Mnohija jaho pamiatajuć pa papularnaj kamiedyi 90‑ch «Niańki» (Twin Sitters), dzie jon razam z bratam-bliźniukom syhraŭ niepasłuchmianych chłopčykaŭ.
Pra śmierć akciora (jaho nie stała ŭ kastryčniku) paviedamiŭ u sacyjalnych sietkach jaho zvodny brat Džonas Rozier, napisaŭšy, što Kazins «vielmi ciažka pakutavaŭ ad chvaroby piečani», paviedamlaje Los Angeles Times.
Kazins i jaho brat-bliźniuk Džozef zdymalisia taksama razam z Arnoldam Švarcenehieram u filmie «Dzietsadaŭski palicejski» (Kindergarten Cop), pa čarzie vykonvajučy rolu Daminika — syna niebiaśpiečnaha narkahandlara, jaki chavaŭsia razam sa svajoj maci Džojs. Hieroj Švarcenehiera, detektyŭ palicyi Łos-Andželesa, pracuje pad prykryćciom vychavalnikam u dziciačym sadzie, zakochvajecca ŭ svaju kalehu Džojs i stanovicca dla Daminika jak baćka.
«Ciažka paviedamlać, što moj brat, Kryścijan Kazins, pajšoŭ z žyćcia, — napisaŭ Rozier u Instagram. — Kryścijan i jaho brat-bliźniuk Džozef «Džoi» Kazins — maje braty pa bijałahičnym baćku. Jany vyraśli ŭ Kalifornii, u toj čas jak ja žyŭ u Vašynhtonie, i ja nie byŭ ź imi znajomy, pakul nie pastupiŭ u kaledž».
«Jon byŭ jaskravaj asobaj, poŭnaj zapału i enierhii, ź vialikimi historyjami i jašče bolšymi marami», — napisaŭ Rozier.
Kazins razam z bratam-bliźniukom dzialili roli na telebačańni i ŭ kino ŭ 80‑ch i 90‑ch hadach. Aproč zhadanych užo filmaŭ, jon źniaŭsia ŭ «Zubaścikach 3» (Critters 3), a taksama ŭ telesieryjałach «Žudasny horad» (Eerie, Indiana), «Pustoje hniazdo» (Empty Nest) i «Pryšelcy» (Intruders).
Kazinsu było 7 hadoŭ, kali jon zdymaŭsia ŭ «Dzietsadaŭskim palicejskim», i paśla vychadu filma ŭ prakat, pavodle jaho słoŭ, jaho paznavali i akružali dziela aŭtohrafaŭ u handlovych centrach, aeraportach i ŭ Dysnejłendzie. Jon uspaminaŭ, jak u parku zabaŭ ceły aŭtobus dziaciej vystraiŭsia ŭ čarhu i prasiŭ piersanalnyja pažadańni. Jon byŭ nastolki mały, što jamu było ciažka pravilna napisać pa litarach słova «pryhožy» (beautiful).
U 2020‑m Kazins raskazaŭ, što syšoŭ z akciorskaj prafiesii i pracuje ŭ meblevym biznesie.
Miarkujučy pa staroncy Kazinsa ŭ Facebook, jon žyŭ va Uschodnim Irvajnie i ŭ apošnija hady zmahaŭsia z prablemami sa zdaroŭjem.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6464
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi64
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ33
Kamientary