Zialenski: ZŠA ŭpieršyniu spytali, ci hatovaja Ukraina vyvieści vojski z Danbasa ŭ abmien na ŭstupleńnie ŭ NATA

Amierykanskija pieramoŭščyki ŭpieršyniu spytali ŭ Kijeva, ci pahodzicca Ukraina vyvieści vojski z Danbasa, kali kraina stanie členam NATA. Pra heta Uładzimir Zialenski raskazaŭ žurnalistam.

Pavodle jaho słoŭ, kankretnaj prapanovy pakul niama.

Kali ZŠA i inšyja krainy NATA jaje paćvierdziać, Zialenski vyniesie hetaje pytańnie na hramadskaje abmierkavańnie. Pryznavać akupavanyja terytoryi rasijskimi Kijeŭ nie maje namieru.

«Ja nieadnarazova kazaŭ: Ukraina nie adstupaje i nie addaje svaje ziemli terarystam. Amierykancy pastavili pytańnie: «A kali Ukraina budzie ŭ NATA, ci vyjdzie Ukraina z Danbasa?» Heta adbyłosia ŭpieršyniu», — zajaviŭ palityk.

Kijeŭ abmiarkoŭvaje z partniorami harantyi z boku NATA i Jeŭrasajuza, pastaŭki ŭzbrajeńniaŭ i finansavańnie ŭkrainskaj armii, a taksama płan adnaŭleńnia krainy z dakładna vyznačanymi krynicami finansavańnia.

Pavodle słoŭ Zialenskaha, ZŠA havorać pra dvuchbakovyja harantyi pavodle ŭzoru artykułaŭ 4 i 5 NATO. Na pytańnie, ci źjaviacca ŭ takim vypadku va Ukrainie amierykanskija vajskoŭcy, pieramoŭščyki adkazali admoŭna.

Ukraina admoviłasia b zamacoŭvać niejtralitet u Kanstytucyi, pakolki taki status nie zabiaśpiečyć joj doŭhaterminovaj biaśpieki.

 Pavodle słoŭ Zialenskaha, Rasija nie choča spyniać udary pa enierhietyčnaj infrastruktury.

Na pieramovach u Abu-Dabi 10—11 listapada rasijskaja delehacyja zajaviła, što nie maje paŭnamoctvaŭ damaŭlacca pra enierhietyčnaje pieramirje. Inšyja varyjanty spynieńnia ahniu baki taksama padrabiazna nie abmiarkoŭvali.

«Vyrašajcie heta z Pucinym», — tak Zialenski pieradaŭ adkaz rasijskaha boku.

Zialenski dapuściŭ, što ŭ nastupnym raŭndzie Jeŭropu buduć pradstaŭlać niekalki čałaviek. Siarod varyjantaŭ, jakija abmiarkoŭvalisia ŭ Abu-Dabi, byŭ udzieł kiraŭnikoŭ ES i NATA.

Prapanavany Maskvoj humanitarny kalidor z horada ŭ Danieckaj vobłaści Zialenski nazvaŭ sprobaj damahčysia vyvadu ŭkrainskich vojskaŭ i zachapić Kanstancinaŭku.

Pavodle jaho słoŭ, u horadzie iduć bai, a cyvilnych žycharoŭ tam amal nie zastałosia.

«Pucin prosta choča, kab my vyjšli z Kanstancinaŭki, a jany ŭvajšli i takim čynam akupavali ŭvieś horad. (…) Paśla Kanstancinaŭki buduć Kramatorsk i Słaviansk. Jany chočuć źniščyć hetyja harady, zabić usich našych ludziej. Takaja ŭ ich ideja», — zajaviŭ Zialenski.

• 0
• 0
• 0
• 0
• 0
• 0
• 0
• 0