U teatry imia Horkaha praciahvajecca kapitalny ramont. Jak źmienicca budynak FOTA
Pad abšyŭkaj nad bałkonam zachavałasia staroje sklapieńnie z aŭtentyčnymi rośpisami. U budynku taksama adnaŭlajuć maŭrytanskuju muroŭku, restaŭryrujuć lustru vahoj bolš za paŭtony i rychtujuć scenu, z-pad jakoj zmohuć źjaŭlacca aktory.
Kapitalny ramont teatra imia Maksima Horkaha ŭ Minsku nabližajecca da zaviaršeńnia, pišuć «Minsk-Naviny». Kalektyŭ pracuje pa-za ścienami svajho teatra ŭžo bolš za dva hady.
Budynak pačali ŭzvodzić u 1902 hodzie jak charalnuju sinahohu ŭ maŭrytanskim styli. Paśla vajny jaho pieradali ruskamu dramatyčnamu teatru. Pierabudova 1950‑ch istotna źmianiła fasad: zamiest vialikaj arki źjaviŭsia porcik z šaściu kałonami i trochkutnym frantonam.
Ciapier častku starych architekturnych detalaŭ znoŭ adkryvajuć.
Pad tynkoŭkaj zachavałasia dekaratyŭnaja muroŭka z čarhavańniem roznakalarovaj cehły. Jaje ačyścili i adrestaŭravali. Na pieršym paviersie adnavili dva raniej zakładzienyja vokny, zachavaŭšy ich histaryčnyja pamiery.
Bakavyja ścieny pafarbavali ŭ terakotavy koler — adcieńnie staroj cehły padbirali z dapamohaj fizika-chimičnych daśledavańniaŭ. A hranit na prystupkach hałoŭnaha ŭvachoda zamiest ciomna-šeraha staŭ čyrvona-karyčnievym.
Pavodle archiŭnych fotazdymkaŭ adnoviać słupy aharodžy sinahohi. Ciapier ich buduć vykarystoŭvać jak teatralnyja afišnyja tumby.
Kala fundamienta taksama znajšli reštki staroj brukavanki — pry dobraŭparadkavańni terytoryi pakładuć plitku, jakaja jaje imituje.
U hladzielnaj zale adnavili cylindryčnaje sklapieńnie ź lapninaj i rośpisam 1904 hoda. Dla ŭznaŭleńnia malunka vykarystoŭvali śpiecyjalnyja trafarety, a skład staroj hruntoŭki i farby papiarednie daśledavali.
Niečakanuju znachodku zrabili nad bałkonam: paśla demantažu abšyŭki tam adkryłasia jašče adno aŭtentyčnaje raśpisnoje sklapieńnie. Jaho taksama zmohuć ubačyć hledačy.
Miescaŭ u zale stanie mienš praz sučasnyja patrabavańni pažarnaj biaśpieki. Zatoje pad kožnym kresłam praduhledžanaja vientylacyja, a častku ścien ablicavali panelami dla palapšeńnia akustyki.
Abstalavańnie sceny aŭtamatyzavali: dekaracyjami, zasłonami i śviatłom buduć kiravać z pulta.
Źjavilisia i dva śpiecyjalnyja luki, praź jakija možna budzie apuskacca pad scenu abo źjaŭlacca z-pad jaje.
«Praduhledžany novy naścił sceny — važny elemient dla artystaŭ. Jon pavinien być roŭnym i tryvałym, bo na im ustaloŭvajuć dekaracyi. Časam padčas śpiektakla pa scenie jeździać niekalki ton», — raskazała dyrektarka teatra Natalla Hramyka.
Vializnuju lustru vyrašyli restaŭravać na miescy: jana važyć bolš za 500 kiłahramaŭ. Majstry pracujuć z ryštavańniaŭ — čyściać kryštalnyja elemienty i adnaŭlajuć na mietaličnych detalach pakryćcio susalnym zołatam.
U faje ŭstalujuć skulpturu Maksima Horkaha na poŭny rost. Nad joj pracujuć vykładčyki Biełaruskaj dziaržaŭnaj akademii mastactvaŭ.
Budaŭniča-mantažnyja raboty płanujuć skončyć da kanca vosieni, paśla pačnuć naładžvać abstalavańnie. Da novaha śviatła i huku treba budzie adaptavać usie 32 śpiektakli repiertuaru.
«Kali ŭsio składziecca dobra, z kanca zimy — pačatku viasny 2027 hoda pačniom pakazvać śpiektakli ŭ abnoŭlenym budynku», — paviedamiła Hramyka.
Pieršym płanujuć syhrać «Hrafa Monte-Krysta».
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6464
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi64
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ55
Kamientary