Samyja papularnyja braŭziery, sacsietki i ŠI-pošukaviki ŭ Biełarusi
Kali kazać pra pošukavy trafik, to tut asnoŭnyja Google i «Jandeks» — 62,3% suprać 35,1%.
U novaj spravazdačy Digital 2027 Global Overview Report raskazvajecca, jakimi braŭzierami i sacsietkami biełarusy karystajucca čaściej.
Samy papularny ŭ biełarusaŭ braŭzier — Google Chrome (60,2% ad ahulnaj kolkaści prahledžanych staronak). Na druhim miescy — Safari (12,7%), na trecim — Yandex (9,76%). Na Opera prypadaje 6,41%, na Edge — 4,72%, na Firefox — 4,26%.
Kali kazać pra pošukavy trafik, to tut asnoŭnyja Google i «Jandeks» — 62,3% suprać 35,1%. Hod tamu dola Google była krychu vyšejšaj — 66,9%.
Najpapularniejšyja pošukavyja zapyty ŭ Google — nadvorje, pierakładčyk, jutub i «Jandeks», Biełaruś.
U spravazdačy pryvodziać i asnoŭnyja ŠI-pošukaviki. Samy časty — Perplexity (39,6%). Dola ChatGPT — 34,9%, Google Gemini — 16,8%, DeepSeek — 5,4%, Microsoft Copilot — 2,7%, Claude — 0,7%. Ale varta adznačyć, što mnohija instrumienty štučnaha intelektu pracujuć u Biełarusi tolki praz VPN.
Što cikava, ajfonaŭ u krainie, padobna, stanovicca bolej. Dola spažyvanaha mabilnaha trafiku na iOS i Android vyhladaje jak 45,9% suprać 54,1%.
U spravazdačy pryvodzicca taksama patencyjnaja rekłamnaja aŭdytoryja sacsietak. Pa hetym pakazčyku možna mierkavać, jakaja z sacsietak najbolš papularnaja. Ź vialikim adryvam idzie TikTok (patencyjnaja rekłamnaja aŭdytoryja — 9,14 młn), paśla Instagram (3,9 młn). Potym LinkedIn (1,3 młn) i Threads (1,1 młn).
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6464
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi64
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ33
Kamientary
Huhł Chrom pryncypova taki ž, tolki adsyłaje nie ŭ Rasieju, a ŭ Amieryku. U sučasnym śviecie lepš, ale pryncypova takoje karystańnie - ŭsio roŭna niebiaśpiečnaja naiŭnaść.
Dziŭnaja statystyka pa ŠI, bo ChatGPT nie pracuje ź biełaruskich adrasoŭ, a kali tak, jak zdoleli daviedacca?
Ź mietadaŭ zboru infarmacyi zastajucca apytańni (jakija ŭ RB nie pravodziacca), niebiaśpiečnyja prahramy taho ž adsočvańnia, jak biaspłatnyja VPN, antyvirusy, niekatoryja pašyreńni dla braŭzieraŭ.
To-bok, vyniki heta nie padlik, a madelavańnie ź nieviadomaj pamyłkaj. I ŭ im budzie pabolšanaja kolkaść mienš daśviedčanych karystalnikaŭ, za kim praściej sačyć i vyznačać, a čym karystaŭsia.