Na Kipry pjany rasijanin pryčapiŭsia da pjanaj ukrainki. Jaje spadarožniki źbili jaho na horki jabłyk — moža stracić voka
Rasijskija ŚMI kažuć, što pryčynaj stała palityčnaja dyskusija, ale paćviardžeńniaŭ hetamu niama.
Akruhovy sud Limasoła 14 listapada aryštavaŭ na šeść sutak čatyroch hramadzian Ukrainy. Ich padazrajuć u tym, što jany mocna źbili 33‑hadovaha hramadzianina Rasii. Pra heta paviedamlajuć kiprskija ŚMI sa spasyłkaj na palicyju.
Bojka adbyłasia ŭ noč na subotu ŭ centry Limasoła, dzie šmat baraŭ i načnych kłubaŭ. Kala 00:20 palicyja atrymała paviedamleńnie pra paranienaha čałavieka. Na miescy jana znajšła 33‑hadovaha mužčynu, jaki lažaŭ na ziamli. U balnicy ŭ jaho vyjavili pierałom kaściej tvaru, rvanyja rany i krovaźlićcio ŭ levaje voka. Traŭmy akazalisia ciažkimi. Miedyki nie vyklučajuć, što jon moža stracić zrok na adno voka.
Palicyja znajšła śviedčańni suprać čatyroch čałaviek. Heta dvoje 23‑hadovych mužčyn, 22‑hadovy mužčyna i 22‑hadovaja žančyna, usie hramadzianie Ukrainy. Zatrymanych taksama ahledzieli ŭ balnicy. U 22‑hadovaha mužčyny pierałom nosa, u astatnich siniaki. Paśla akazańnia dapamohi ich vypisali.
Pavodle źviestak haziety Phileleftheros, bojka mahła pačacca z taho, što rasijanin niešta skazaŭ 22‑hadovaj spadarožnicy adnaho z zatrymanych. Taksama paviedamlajecca, što ŭdzielniki, vierahodna, byli pjanyja. Kali palicyja rastłumačyła zatrymanym pryčynu aryštu, adzin ź ich zajaviŭ: «Ja abaraniaŭ svaju žonku». Astatnija paćvierdzili jaho słovy.
Palicyja rasśleduje spravu ab pryčynieńni ciažkich cialesnych paškodžańniaŭ. Jana vyśviatlaje rolu kožnaha zatrymanaha i praviaraje, ci ŭdzielničaŭ u bojcy chtości jašče.
Niekatoryja rasijskija ŚMI napisali, što bojka pačałasia sa sprečki pra palityku. Kiprskija krynicy hetaha nie paćviardžajuć. Pavodle papiarednich acenak palicyi, nacyjanalnaha matyvu ŭ hetym zdareńni niama.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi6464
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi64
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ33
Kamientary