Aleś Bialacki sustreniecca z čytačami ŭ Varšavie, Krakavie i Urocłavie
15—17 listapada z nobieleŭskim łaŭreatam možna budzie pahavaryć pra Biełaruś, pravy čałavieka i knihu «Aleś». Sustrečy projduć try viečary zapar.
Z 15 pa 17 listapada ŭ troch polskich haradach adbuducca sustrečy z Alesiem Bialackim — biełaruskim pravaabaroncam, piśmieńnikam i łaŭreatam Nobieleŭskaj premii miru. Udzielniki zmohuć pahavaryć ź im pra pravaabarončuju dziejnaść, biełaruskuju hramadzianskuju supolnaść i knihu «Aleś».
15 listapada, Varšava — 18:30
Sustreča adbudziecca ŭ miežach fiestyvalu intelektualnaj knihi PRADMOVA.
Miesca: Dom Spotkań z Historią, vuł. Zielna 39, IV pavierch. U sustrečy voźmuć udzieł Aleś Bialacki i Anais Maren, maderatarka — Taćciana Niadbaj.
16 listapada, Krakaŭ — 18:00
Sustreča adbudziecca ŭ Vile Decjuša ŭ miežach fiestyvalu «Kultura ŭ vyhnańni». Razmova budzie pryśviečanaja roli kultury ŭ zachavańni identyčnaści i supolnaści, a taksama supracivu va ŭmovach represij. Sustreču praviadzie Taćciana Niadbaj. Uvachod biaspłatny, kolkaść miescaŭ abmiežavanaja.
17 listapada, Urocłaŭ — 18:00
U Nacyjanalnym instytucie imia Asalinskich (Ossolineum) adbudziecca sustreča z Alesiem Bialackim. Razmovu praviadzie Taćciana Niadbaj. Udzielniki taksama zmohuć pahavaryć pra knihu «Aleś». Sustreča budzie pierakładacca na polskuju movu.
Miesca: pl. bp. Nankiera 17, uvachod z Baročnaha sadu. Uvachod biaspłatny, patrebnaja rehistracyja.
Aleś Bialacki — biełaruski pravaabaronca, eseist, zasnavalnik Centra abarony pravoŭ čałavieka «Viasna» i łaŭreat Nobieleŭskaj premii miru 2022 hoda. Jon pryśviaciŭ svaju dziejnaść abaronie pravoŭ čałavieka i raźvićciu hramadzianskaj supolnaści ŭ Biełarusi.
Što znajšli ŭ viaźnicy Kreŭskaha zamka, dzie ŭ 1382‑m zadušyli Kiejstuta? Jana była pachavanaja pad zavałami paśla šturmu Śvidryhajły amal 600 hadoŭ55
Kamientary