U Minsku źjavicca jašče adzin sposab apłaty prajezdu ŭ hramadskim transparcie — praz mabilny dadatak «KROK». Pra heta paviedamiŭ «Minsktrans», adkazvajučy na pytańnie ŭ Threads. Na pradpryjemstvie zajavili, što ŭžo pracujuć nad zapuskam hetaha servisu, piša Blizko.by.

Z 11 listapada apłačvać prajezd va ŭsim naziemnym hramadskim transparcie stalicy možna praz mabilny dadatak «Biełarusbanka». Akramia taho, pasažyry mohuć karystacca płastykavymi prajaznymi, tałončykami i sistemaj «Apłaci».
Miarkujecca, što «KROK» budzie pracavać pavodle taho ž pryncypu, što i dva inšyja mabilnyja servisy: dla apłaty treba budzie adskanavać QR-kod u sałonie transpartu.
Pry hetym u Minsku rychtujuć jašče adnu navinku — sistemu bieskantaktnaj apłaty prajezdu bankaŭskimi kartkami i hadžetami z padtrymkaj NFC. Jaje płanujuć ukaranić «Minsktrans», «Biełarusbank» i Mižnarodny dziełavy aljans.
U adroźnieńnie ad servisaŭ «Apłaci», «KROK» i «Biełarusbanka», dla takoj apłaty nie spatrebicca mabilny dadatak. Sistema budzie pracavać pavodle hibrydnaj technałohii «anłajn + afłajn»: pry najaŭnaści internetu płaciež budzie pravodzicca anłajn, a pry adsutnaści złučeńnia sistema aŭtamatyčna pieraklučycca ŭ afłajn-režym. U «Minsktransie» śćviardžajuć, što heta dazvolić paźbiehnuć zatrymak pry pasadcy i źmienšyć ryzyku pajezdak biez apłaty.
Raniej u Ministerstvie transpartu i kamunikacyj taksama paviedamlali pra płany stvaryć adziny dadatak dla apłaty prajezdu va ŭsich haradach Biełarusi.
Ad zaŭtra ŭ Minsku źjavicca novy sposab apłaty prajezdu
Mintrans pačaŭ sačyć za apłataj daroh pry dapamozie ŠI
U Minsku ŭ pasažyraŭ stali praviarać kvitki na kancavych prypynkach
U «Minsktransie» patłumačyli, čamu prajezd u stalicy dahetul nielha apłacić bankaŭskaj kartaj
Adzinaja sistema apłaty prajezdu źjavicca va ŭsich haradach krainy ŭ 2027 hodzie
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary