U Nacyjanalnym parku «Prypiacki» na Paleśsi znajšli najbujniejšaje ź viadomych na terytoryi parku hniazdo redkaj dla Biełarusi ptuški — arłana-biełachvosta. Heta samy bujny drapiežny ptach Centralnaj i Paŭnočnaj Jeŭropy. Ptušynaje zbudavańnie nastolki vialikaje, što ŭ im pry nieabchodnaści zmoh by źmiaścicca čałaviek.

Arłan-biełachvost — drapiežnaja ptuška, jakaja zvyčajna sielicca kala azior, rek i bałot. Paluje jon pieravažna na rybu i vadapłaŭnych ptušak. Pašyreńnie areała hetaha vidu ličycca śviedčańniem dobraha stanu ekasistemy nacyjanalnaha parku.
U Biełarusi arłan-biełachvost zaniesieny ŭ Čyrvonuju knihu. Bolšaja častka biełaruskaj papulacyi žyvie ŭ basiejnie Prypiaci, u rajonach bałot i pojmavych lasoŭ. Tamu nacyjanalny park «Prypiacki» źjaŭlajecca adnym z asnoŭnych miescaŭ, dzie žyvie heta ptuška.
Hniozdy arłany budujuć z toŭstych halin, a ŭsiaredzinie vyściłajuć karoj, liściem i tonkimi prutkami. Ptuški štohod dabudoŭvajuć svaje hniozdy, tamu z časam tyja mohuć dasiahać dvuch mietraŭ u dyjamietry i paŭtara mietra ŭ vyšyniu. Arłany vykarystoŭvajuć ich na praciahu mnohich hadoŭ, a časam budujuć pobač niekalki hniozdaŭ.
Zvyčajna ŭ kładcy byvaje da troch jajek. Ptušaniaty vyłuplivajucca prykładna praz 40 dzion, a pakidajuć hniazdo va ŭzroście kala 70 dzion. Adnak i paśla hetaha jany jašče doŭhi čas zastajucca pobač z baćkami.
Asnoŭnuju pahrozu dla arłana-biełachvosta niasie čałaviečaja dziejnaść. Nabližeńnie da hniazda padčas vysiedžvańnia jajek moža pryvieści da hibieli patomstva: baćki mohuć pakinuć kładku. Na kolkaść ptušak taksama niehatyŭna ŭpłyvajuć mielijaracyja i vysiakańnie lasoŭ, jakija skaračajuć ich karmavuju bazu. Siarod inšych niebiaśpiek — brakańjerstva i sutyknieńni ź linijami elektrapieradačy.
Dla achovy vidu vakoł miescaŭ hniezdavańnia stvarajuć achoŭnyja zony radyusam nie mienš za 500 mietraŭ. Ź lutaha da lipienia tam dziejničaje asablivy režym: zabaroniena pravodzić masavyja mierapryjemstvy, razvodzić vohniščy i jeździć na aŭtamabilach.
Novaje miesca hniezdavańnia taksama voźmuć pad achovu i ŭklučać u sistemu manitorynhu navukovaha adździeła nacyjanalnaha parku.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary