«Vy žyvyja?» U Biełarusi miadźviedzi paleźli ŭ pałatku da turystaŭ VIDEA
Miadźviedzi chodziać vakoł pałatki i zazirajuć unutr, a čałaviek z kamieraj zdymaje ich. Aŭtar padpisaŭ rolik: «Voś tak my adpačyvali. Kiempinh. Biełaruś». U kamientarach aŭtara prosiać adhuknucca i žartujuć, što videa ŭžo vykładaje miadźviedź.

U tyktoku abmiarkoŭvajuć videa karystalnika Tv.Mast, na jakim miadźviedzi daśledujuć turystyčnuju pałatku.
«Voś tak my adpačyvali. Kiempinh. Biełaruś», — padpisaŭ aŭtar kadry.
Zdymka viadziecca znutry pałatki. Praz tkaninu vidać, jak źvier chodzić pobač, abniuchvaje ŭvachod i nabližaje pysu. Spačatku my bačym adnaho źviera, a potym kamiera pakazvaje i druhoha.
Kamientataraŭ ździviła vytrymka čałavieka, jaki zdymaje.
Aŭtar dvojčy vykłaŭ heta videa, ale nie raspavioŭ, jak i čym usio skončyłasia.
«Dajcie viedać, vy žyvyja?»
«Čym skončyŭsia adpačynak?»
«Ja dumaju, vy bolš u kiempinh nie pajedziecie».
«Heta miadźviedź užo vykładaje vidosy?»
Dzie mienavita i kali źniatyja kadry, aŭtar nie ŭdakładniŭ.
Kamientary