U Kamyšavasie zaviaršyŭsia pošuk cieł. U vyniku rasijskaha ŭdaru tam zahinuli 72 čałavieki
Čaćviora čałaviek ličacca źnikłymi bieź viestak.

U pasiołku Kamyšavacha Zaparožskaj vobłaści zaviaršyłasia pošukava-vyratavalnaja apieracyja, jakaja praciahvałasia dva tydni paśla ŭdaru rasijskich vojskaŭ. Kiraŭnik MUS Ukrainy Ivan Vyhoŭski paviedamiŭ, što byli znojdzienyja cieły 72 zahinułych.
Čaćviora čałaviek ličacca źnikłymi bieź viestak.Jašče čaćviora, jakich udałosia vyratavać u pieršyja hadziny paśla ataki, zastajucca ŭ balnicy.
Siarod zahinułych — ratavalniki, palicejskija, miedyki, kamunalniki, supracoŭniki himnazii i centra administracyjnych pasłuh, a taksama nastaŭnica, jakaja štodnia prychodziła va ŭkryćcio, kab pravodzić dla dziaciej anłajn-uroki.
Za dva tydni vyratavalnaj apieracyi rasijskija vojski, pavodle źviestak ukrainskich uładaŭ, 11 razoŭ atakavali pasiołak. Dzieviać udaraŭ pryjšlisia pa miescy, dzie raźbirali zavały.
U vyniku hetych atak byli paranienyja troje palicejskich i čaćviora ratavalnikaŭ.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary