Byłaja žonka bujnoha biełaruskaha biznesmiena pryśviaciła razvodu mastackuju vystavu: z vykarystanymi preziervatyvami
Kala ŭvachoda vystaŭleny štučny palec z zaručalnym piarścionkam, apuščany ŭ štučnuju kroŭ. Jaho zamovili ŭ kramie intymnych tavaraŭ.

U ryžskaj halerei Cut Art adkryłasia piersanalnaja vystava mastački Maryi Hvardziejcavaj pad nazvaj La Petite Mort («Maleńkaja śmierć»), piša Delfi.lv. Mastačka pachodzić ź Biełarusi i žyvie ŭ emihracyi. Vystava zadaje pytańnie: kali ŭ šlubu jość svaje rytuały, čamu ich niama ŭ razvodu? Na adkryćci Hvardziejcava pakazała pierformans: pa čarzie pakłała ŭ šklanuju trunu viasielnyja sukienki i zasypała ich ziamloj.
Dla mastački tema asabistaja: jana raźviałasia paśla 20 hadoŭ šlubu. Jaje razmovy ź inšymi raźviedzienymi žančynami stali asnovaj knihi 5‑Minute Bedtime Stories, jakaja vyjšła letaś.
Kuratarka vystavy Cina Pietersonie raskazała, što mastačka vykarystała šmat materyjałaŭ z histaryčnym i simvaličnym sensam. Jość tam i hatovyja pradmiety, naprykład preziervatyvy, napoŭnienyja siniaj vadkaściu.
Kala ŭvachoda vystaŭleny štučny palec z zaručalnym piarścionkam, apuščany ŭ štučnuju kroŭ. Jaho zamovili ŭ kramie intymnych tavaraŭ. Tak mastačka choča zahavaryć pra seksualnaje žadańnie i funkcyi cieła.
Francuzski vyraz la petite mort na vystavie aznačaje kaniec stasunkaŭ i kaniec raniejšaha «ja». Pry hetym pa-francuzsku jon aznačaje taksama arhazm.

Maryja Hvardziejcava naradziłasia ŭ 1982 hodzie ŭ Minsku. Žyvie i pracuje ŭ Lisabonie i Ryzie. U 2022 hodzie admoviłasia ad biełaruskaha hramadzianstva. Skončyła mahistraturu pa mastactvie i palitycy ŭ Hołdśmits-kaledžy Łondanskaha ŭniviersiteta. Jaje pracy vystaŭlalisia ŭ Muziei Ryžskaha hieta i Chałakosta, u Daŭhaŭpiłskim centry mastactvaŭ imia Marka Rotka, u Instytucie mastactvaŭ Kurto i na kirmašy Photo London. U 2022 hodzie Hvardziejcava była ŭ liku finalistaŭ nacyjanalnaha adboru ŭ paviljon Biełarusi na 59‑m Vieniecyjanskim bijenale.
Maryja Hvardziejcava — byłaja žonka zasnavalnika Itransition Siarhieja Hvardziejcava.
Čytajcie taksama:
Biełaruskaja biznes-łedzi raskazała pra siamiejnaje žyćcio i razvod z zasnavalnikam Itransition
Biełaruskaja pradprymalnica pradała viłu ŭ Jurmale amal za 7 miljonaŭ jeŭra
-
Volnyja Kupałaŭcy pastaviać śpiektakl u Vilni
-
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
-
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary