Ursuła fon der Lajen pryviała Biełaruś jak prykład, da čaho pryvodzić admova ad jeŭraintehracyi
U svaim vystupleńni na Forumie pa pytańniach pašyreńnia Jeŭrasajuza ŭ Brusieli staršynia Jeŭrakamisii Ursuła fon der Lajen zaklikała adnavić ambicyi i rašučaść, jakija tryccać hadoŭ tamu dazvolili abjadnać Jeŭropu paśla padzieńnia kamunizmu. Jana nahadała słovy Vacłava Havieła pra ahulny los, historyju i kaštoŭnaści jeŭrapiejskich narodaŭ, a taksama pra nieabchodnaść samim vyznačać budučyniu kantynienta, kab hetaha nie rabili inšyja.

Pa słovach fon der Lajen, pašyreńnie 2004 hoda istotna palepšyła žyćcio miljonaŭ ludziej i pryniesła ekanamičnyja vyhady ŭsiamu Jeŭrasajuzu. U krainach, jakija tady dałučylisia da Sajuza, realnyja zarobki padvoilisia, a dachody na dušu nasielnictva ŭ ES vyraśli na 10%. Pašyreńnie adkryła novyja rynki i pavialičyła ekspart starych dziaržaŭ-členaŭ.
U jakaści prykładu roźnicy pamiž šlachami raźvićcia jeŭračynoŭnica zhadała Polšču i Biełaruś:
«Voźmiem dla prykładu Polšču i Biełaruś. Paśla padzieńnia kamunizmu ŭzrovień dabrabytu ŭ ich byŭ prykładna adnolkavy, ale, jak my viedajem, jany pajšli vielmi roznymi šlachami. Polšča vybrała demakratyju i jeŭrapiejskuju intehracyju, a Biełaruś pajšła ŭ inšym kirunku. Siońnia VUP na dušu nasielnictva ŭ Polščy amal utraja bolšy, čym u Biełarusi».
Pašyreńnie Jeŭrasajuza, pavodle Ursuły fon der Lajen, umacavała nie tolki ekanomiku, ale i biaśpieku Jeŭropy. Ciapierašnija členy ES z Centralnaj i Uschodniaj Jeŭropy adyhryvajuć važnuju rolu ŭ supraćdziejańni rasijskaj ahresii, umacavańni ŭschodniaj miažy i padtrymcy Ukrainy. Budučyja ž členy, maŭlaŭ, taksama mohuć zrabić značny ŭniosak: Ukraina — u raźvićcio abaronnych technałohij, Małdova — u abaronu demakratyi ad zamiežnaha ŭmiašańnia, a krainy Zachodnich Bałkanaŭ — u raźvićcio adzinaha rynku.
Siarod krain, jakija nabližajucca da ŭstupleńnia ŭ ES, fon der Lajen vyłučyła Čarnahoryju i Ałbaniju, a taksama adznačyła prahres Ukrainy i Małdovy. Jana zaklikała skarystacca novym impulsam dla pašyreńnia, kab bolš jeŭrapiejcaŭ mahli žyć u svabodzie, miry i dabrabycie.
Razam z tym, na jaje dumku, Jeŭrasajuz pavinien padrychtavacca da pryjomu novych členaŭ.
Dla hetaha nieabchodna zrabić bolš efiektyŭnym praces pryniaćcia rašeńniaŭ, kab pavieličeńnie kolkaści dziaržaŭ nie pieraškadžała Sajuzu dziejničać apieratyŭna.
Druhi važny kirunak — pastupovaja intehracyja krain-kandydataŭ: adkryćcio im dostupu da asobnych siektaraŭ adzinaha rynku ŭ abmien na nieabchodnyja reformy.
Pramoŭca taksama prapanavała ŭzmacnić kantrol za vykanańniem abaviazacielstvaŭ paśla ŭstupleńnia, u tym liku ŭ śfiery viaršenstva prava.
Naprykancy Ursuła fon der Lajen znoŭ źviarnułasia da bačańnia Vacłava Havieła: abjadnanaja Jeŭropa pavinna być nie prosta vialikim ahulnym rynkam, a supolnaściu narodaŭ, jakija žyvuć u miry, zachoŭvajučy svaju identyčnaść i abapirajučysia na ahulnyja kaštoŭnaści. Pramoŭca zaklikała jeŭrapiejskich lidaraŭ prajavić mužnaść i dalnabačnaść, kab zrabić nastupny krok da abjadnańnia kantynienta.
Ursuła fon der Lajen nazvała farmat, u jakim budzie ŭdzielničać Jeŭropa ŭ pieramovach pa Ukrainie
Mierc zaklikaŭ paskoryć ustupleńnie Ukrainy i Małdovy ŭ Jeŭrasajuz
Małdova ŭ pieramovach ab ustupleńni ŭ ES užo ŭ nastupnym hodzie moža dahnać Čarnahoryju
Charvatyja karystajecca žadańniem Čarnahoryi ŭstupić u Jeŭrasajuz, kab pavyrašać na svaju karyść staryja sprečki
Pašynian zajaviŭ pra namier padać zajaŭku ŭ Jeŭrasajuz u 2027 ci 2028 hodzie
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary