Vyjšła kniha pra prapahandu ŭ Biełarusi padčas Druhoj suśvietnaj vajny
Vydaviectva «Kamunikat» vypuściła manahrafiju Jaŭhiena Miranoviča «Treci front. Savieckaja i niamieckaja prapahanda ŭ Biełarusi 1941—1944», u jakoj daśledujecca vajna za śviadomaść, strachi, nadziei i vybar ludziej, jakija apynulisia pamiž dźviuma tatalitarnymi sistemami, piša bellit.info.

Nacysckaja Hiermanija i Saviecki Sajuz viali žorstkuju baraćbu za śviadomaść žycharoŭ akupavanaj Biełarusi. Niamieckaja prapahanda abiacała vyzvaleńnie ad balšavizmu, novy paradak i dabrabyt, adnačasova apraŭdvajučy teror, rabavańnie i rasavy hvałt. Savieckaja zaklikała da supracivu, partyzanskaj baraćby, niepadparadkavańnia akupacyjnaj uładzie i viernaści savieckaj dziaržavie.
U knizie Jaŭhien Miranovič daśleduje, jak abodva baki vykarystoŭvali presu, ulotki, płakaty, histaryčnyja mify, nacyjanalnyja pačućci i vobraz voraha. Aŭtar pakazvaje, jak źmiest prapahandy źmianiaŭsia razam ź situacyjaj na froncie i palityčnymi płanami Bierlina i Maskvy adnosna Biełarusi.
U centry ŭvahi aŭtara — pavodziny hramadstva va ŭmovach akupacyi, staŭleńnie da savieckaha padpolla i niamieckaj administracyi, biełaruskaha nacyjanalnaha ruchu, polskaha i ŭkrainskaha pytańniaŭ, kałabaracyi, partyzanskaj baraćby i prymusovaj mabilizacyi.
Kamientary