U Viciebsku pradajuć papularny restaran-kłub za 200 tysiač dalaraŭ
U Viciebsku vystavili na prodaž papularnaje siarod haradžan miesca adpačynku — restaran-kłub «Tancy».

Za ŭvieś dziejny prajekt ułaśnik choča atrymać 600 060 rubloŭ (kala $200 tysiač u ekvivalencie). Abjava źjaviłasia na śpiecyjalizavanaj placoŭcy B4y.by, piša Office Life.
Ustanova raźmieščana na praśpiekcie Budaŭnikoŭ, pobač z handlovym centram «Trya». Ahulnaja płošča abjekta składaje 845,5 kvadratnaha mietra. Kłub pracuje z 2018 hoda.
Biznes pradajecca ŭ farmacie «pad kluč». U košt uvachodziać: dyzajnierski interjer ź miakkimi kanapavymi zonami, całkam abstalavanaja kuchnia, barnaje abstalavańnie, karaokie-sistema, prafiesijnyja hukavoje i śvietłavoje abstalavańnie, a taksama sistemy kandycyjanavańnia i videanazirańnia.
Razam z materyjalnymi aktyvami novamu ŭładalniku pierajduć pravy arendy pamiaškańnia, dziejnyja licenzii i sfarmavanaja kamanda supracoŭnikaŭ.
Pradaviec adznačaje, što abjekt nie maje zapazyčanaściaŭ i abciažarańniaŭ. Padrabiaznyja finansavyja pakazčyki i pieralik majomaści, jakaja pieradajecca novamu ŭładalniku, ułaśnik hatovy raskryć pa zapycie.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary