Biejonse stała pieršaj artystkaj, jakuju naminavali na «Hremi» 100 razoŭ
Amierykanskaja śpiavačka Biejonse stała pieršaj artystkaj u historyi muzyčnaj premii «Hremi», jakaja atrymała 100 naminacyj. Jubilejny pakazčyk byŭ zafiksavany padčas abviaščeńnia naminantaŭ na 69‑ju cyrymoniju ŭručeńnia ŭznaharod, paviedamlaje Variety.

Śpiavačku naminavali ŭ katehoryi «Najlepšaje solnaje R&B-vykanańnie» za pieśniu Morning Dew (Donk), vypuščanuju ŭ lipieni 2026 hoda.
Biejonse ŭžo nieadnojčy staviła rekordy «Hremi». U 2023 hodzie jana stała najbolš uznaharodžanaj artystkaj za ŭsiu historyju premii, davioŭšy kolkaść svaich pieramoh da 32. Tady śpiavačka atrymała čatyry statuetki, u tym liku za najlepšy tancavalny abo elektronny albom — Renaissance.
Da hetaha rekord naležaŭ vienhierska-brytanskamu dyryžoru Hieorhu Šołci, jaki mieŭ 31 uznaharodu «Hremi». Jon pastaviŭ jaho ŭ 1997 hodzie, kali apošni raz atrymaŭ statuetku ŭ naminacyi «Najlepšy zapis opiery». U tym ža hodzie 84‑hadovy Šołci pamior.
U lutym 2025 hoda Biejonse ŭpieršyniu atrymała hałoŭnuju ŭznaharodu cyrymonii — «Albom hoda» — za płaścinku Cowboy Carter. Jana stała čaćviortaj čarnaskuraj solnaj vykanaŭcaj, jakaja atrymała hetuju ŭznaharodu.
U 2024 hodzie Biejonse taksama stała rekardsmienkaj pa kolkaści naminacyj za adnu cyrymoniju ŭ historyi «Hremi»: za albom Cowboy Carter jana atrymała 11 naminacyj, apiaredziŭšy svajho muža, repiera Jay-Z.
Hety albom pieramoh u katehoryi «Najlepšy kantry-albom», a sumiesnaja pieśnia Biejonse i Majli Sajrus II Most Wanted atrymała ŭznaharodu za najlepšaje kantry-vykanańnie duetam abo hrupaj.
Usiaho za karjeru Biejonse atrymała 35 uznaharod «Hremi» i zastajecca najbolš uznaharodžanaj artystkaj u historyi premii.
Amierykanskaja śpiavačka Biejonse ŭvajšła ŭ kłub miljarderaŭ
Pažarnyja Łos-Andželesa abviaścili sa sceny pra pieramohu Biejonse na «Hremi»
Sabryna Karpienter atrymała «Hremi» za najlepšy pop-albom, Biejonsio pieramahła ŭ hałoŭnaj naminacyi
Hurt Rajana Hoślinha vypuścić novyja pieśni praz 17 hadoŭ pierapynku
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary