U Bresckim univiersitecie praviali pakazalny sud za «abrazu Łukašenki»
Vyjaznoje pasiadžeńnie suda Maskoŭskaha rajona Bresta adbyłosia ŭ Bresckim dziaržaŭnym univiersitecie imia Puškina 13 kastryčnika. Spravu razhladali pavodle častki 1 artykuła 368 Kryminalnaha kodeksa za «abrazu Łukašenki». Na paviedamleńnie ŭniviersiteta źviarnuła ŭvahu «Bieraściejskaja Viasna».

Imia abvinavačanaha i padrabiaznaści spravy ŭ paviedamleńni nie raskryvajucca. Pavodle publikacyi, jon całkam pryznaŭ vinu.
Sud pryznačyŭ jamu dva hady abmiežavańnia voli biez nakiravańnia ŭ papraŭčuju ŭstanovu — tak zvanaj «chatniaj chimii».


Jak adznačaje «Bieraściejskaja Viasna», pavodle apublikavanych fatahrafij, praces viała sudździa Maryja Alifieruk, a dziaržaŭnaje abvinavačańnie padtrymlivaŭ prakuror Aleh Hierasimovič.


Paśla pasiadžeńnia Hierasimovič raskazaŭ studentam pra adkaznaść za pravaparušeńni «ekstremisckaj nakiravanaści».
«Budźcie pilnyja, nie paddavajciesia na destruktyŭnyja zakliki, samastojna i ŭzvažana abdumvajcie infarmacyju, jakuju atrymlivajecie z roznych krynic», — źviarnuŭsia jon da aŭdytoryi.
Kamientary