Jehipiecki samalot dvojčy za noč siadaŭ u Minsku pa darozie ŭ Maskvu
Samalot Airbus A320 jehipieckaj avijakampanii Nesma Airlines, jaki vykonvaŭ rejs z Šarm-eš-Šejcha ŭ maskoŭski aeraport Unukava, dvojčy pryziamliŭsia ŭ Nacyjanalnym aeraporcie Minsk. U vyniku da Maskvy jon dabraŭsia tolki z treciaj sproby — z zatrymkaj bolš čym na siem hadzin, piša Onliner.by.

Usio adbyłosia jašče ŭ noč z 16 na 17 listapada. Pieršy raz samalot sieŭ u Minsku z-za abmiežavańniaŭ na pryjom pavietranych sudnaŭ u maskoŭskim avijacyjnym vuźle. Adnak paśla hetaha ekipaž raspačaŭ jašče adnu sprobu praciahnuć palot.
U 22:53 Airbus znoŭ vylecieŭ ź Minska. Jon nabraŭ vyšyniu kala 9500 mietraŭ i nakiravaŭsia na paŭnočny ŭschod Biełarusi. U rajonie Krupak i Tałačyna samalot niekatory čas manieŭravaŭ, paśla čaho raźviarnuŭsia i ŭziaŭ kurs nazad na Minsk.

Pavodle źviestak Flightradar24, paŭtornaja pasadka ŭ Nacyjanalnym aeraporcie adbyłasia ŭ 00:07 17 listapada — praz 1 hadzinu 14 chvilin paśla vyletu.
Treci raz samalot adpraviŭsia ŭ darohu ŭžo ŭ 01:27. Va Unukava jon prybyŭ kala 05:20, heta značyć bolš čym praź siem hadzin paśla pieršapačatkova zapłanavanaha času.

Čamu ekipažu daviałosia viarnucca ŭ Minsk, aficyjna nie paviedamlajecca. Mahčyma, paśla pieršaj pasadki piłoty raźličvali praciahnuć palot u Maskvu, ale praz zachavańnie abmiežavańniaŭ u maskoŭskim avijacyjnym vuźle vyrašyli viarnucca na zapasny aeradrom.
-
U Bresckim univiersitecie praviali pakazalny sud za «abrazu Łukašenki»
-
«Vyhulaju sabaku za 5 jeŭra». Jak ajcišnik vyžyvaje ŭ Ispanii — u Polščy jaho zvolnili za toje, što pierajechaŭ
-
«Urocłaŭskaja supolnaść končanaja. Nichto nie zastupiŭsia. Prosta čerci». U Piatruchina na strymie vybili z ruk telefon
Kamientary