Biełaruskaja čyhunka zapuścić navahodnija tury ŭ siadzibu Dzieda Maroza ŭ Biełaviežskaj puščy
Padarožžy na turystyčnym ciahniku buduć ažyćciaŭlacca pa maršrucie Minsk — Brest — Minsk z 11 śniežnia.

Ciahniki adpraviacca sa stalicy 11, 18, 24, 26 śniežnia i 6 studzienia. U Brest jany buduć prybyvać ranicaj nastupnaha dnia.
Zvarotny šlach u Minsk zapłanavany na 12, 19, 25, 27 śniežnia i 7 studzienia. Na pieronie pasažyraŭ buduć sustrakać pravadnicy-Śniahurki i čyhunačny Dzied Maroz.
U padarožža turysty adpraviacca ŭ kamfartabielnych kupejnych vahonach da Bresta, a dalej u Nacyjanalny park «Biełaviežskaja pušča» ich centralizavana dastaviać aŭtobusy ŭ supravadžeńni ekskursavodaŭ, paviedamlaje Biełčyhunka.
Pamočniki Dzieda Maroza praviaduć turystaŭ pa Alei kazak i paznajomiać ich z kazačnymi piersanažami.
Udzielnikaŭ tura čakajuć pačastunak smačnymi pyšnymi blinami i haračaj harbataj na puščanskich ziołkach, a taksama padarunak.
U Puščy ŭ valjerach možna pabačyć ryś, lisicu, kazulu, vysakarodnaha i plamistaha aleniaŭ, vaŭka, łasia, dzika, miadźviedzia i zubra. Muziej pryrody, naviedvańnie jakoha taksama praduhledžana prahramaj tura, karystajecca papularnaściu ŭ naviedvalnikaŭ Biełaviežskaj puščy.
Na zvarotnym šlachu ŭ ciahniku dla turystaŭ praduhledžana hulniavaja animacyjnaja prahrama.
Kamientary