U paŭdniovaj častcy Bresta płanujuć pabudavać novy žyły kvartał na ŭčastku płoščaj amal try hiektary. Prajekt vynieśli na hramadskaje abmierkavańnie, padčas jakoha žychary horada zmohuć vykazać svaje zaŭvahi i prapanovy.

Terytoryja raźmieščanaja ŭ Maskoŭskim rajonie, kala vulic Paŭła Ivašucina i Barysa Masłava. Tut płanujuć uźvieści čatyry šmatpaviarchovyja damy vyšynioj ad 7 da 11 pavierchaŭ. Usiaho ŭ ich praduhledžana 387 kvater.
Kvartał chočuć arhanizavać jak spakojnuju dvarovuju prastoru ź dziciačymi i spartyŭnymi placoŭkami, viełaparkoŭkami kala kožnaha doma i miescam dla vyhułu sabak. Pa pierymietry terytoryi praduhledžany dvuchbakovy prajezd, uzdoŭž jakoha raźmieściać 332 parkovačnyja miescy i placoŭki dla zboru śmiećcia. Składski budynak na hetym placy płanujuć zrujnavać.
Hramadskaje abmierkavańnie budzie doŭžycca z 23 listapada da 7 śniežnia. U hety čas svaje zaŭvahi i prapanovy možna budzie dasłać na elektronnuju poštu [email protected] abo pakinuć u śpiecyjalnym žurnale padčas naviedvańnia vystavy prajekta.
Aznajomicca z materyjałami možna budzie ŭ budynku harvykankama na vulicy Enhielsa, 3, u pracoŭnyja dni z 8:30 da 17:30, a taksama na sajcie haradskoj administracyi.
Prezientacyja prajekta adbudziecca tam ža 30 listapada 2026 hoda a 17:00.
Samaja tannaja kvatera — 222 tysiačy rubloŭ. MAPID prapanavaŭ kvatery ŭ «Soniečnym» dla ŭsich achvotnych
U Minsku pačali budavać Kazachstanski kvartał
Na bierazie Kamsamolskaha voziera narešcie zaviaršajuć 15‑hadovy daŭhabud. Užo idzie zapis na zakryty start prodažaŭ
U Minsku pačali budavać novy žyły kvartał
Kamientary