Pra novuju znachodku ŭ Kreŭskim zamku paviedamiŭ u fejsbuku historyk i archieołah Aleh Dziarnovič.

«Kab vy zrazumieli — heta «prystupki Kiejstuta»! Tolki što ŭskrytyja…» — napisaŭ Dziarnovič u fejsbuku.
U Kniaskaj viežy zamka praciahvajucca raskopki nižniaha jarusa. Archieołahi dabralisia da sutareńniaŭ, jakija amal šeść stahodździaŭ zastavalisia pad zavałami. Cehła i kamiani abrynulisia tudy ŭ 1433 hodzie, padčas šturmu zamka vojskami kniazia Śvidryhajły. Rasčystka ŭnutry viežy pastupova viadziecca amal dziesiać hadoŭ.

Pavodle letapisnaj tradycyi, mienavita na nižnim jarusie viežy ŭletku 1382 hoda trymali Kiejstuta. Tut jaho zadušyli ludzi, jakija dziejničali ŭ intaresach Jahajły. Syn Kiejstuta Vitaŭt znachodziŭsia ŭ vierchnich pakojach i zdoleŭ uciačy.
Raniej daśledčyki vyjavili ŭ sutareńniach aračny dźviarny prajom i nievialikuju pradušynu, praź jakuju ŭ pamiaškańnie traplali pavietra i śviatło. Pavodle acenki historykaŭ, raskapany prajom moh być tymi samymi dźviaryma, praź jakija zabojcy ŭvajšli da źniavolenaha kniazia.
-
Vyjšła kniha pra prapahandu ŭ Biełarusi padčas Druhoj suśvietnaj vajny
-
Pad Urocłavam znajšli mahiłu adnaho z pačynalnikaŭ Słuckaha paŭstańnia. Paśla vajny jon schavaŭsia ŭ Silezii i vydavaŭ siabie za matematyka sa Lvova
-
Hrecki ahoń, antykiterski miechanizm, silfij dy inšyja stračanyja vynachodnictvy. Čamu čałaviectva ich zabyła?
Kamientary