Кранальнае сяброўства: 5-гадовы Джуліян і яго ньюфаўндленд па мянушцы Макс
Сташа Бекер штодня фатаграфуе свайго сына разам з ягоным любімым сабакам.
Маці штодня фатаграфуе свайго 5-гадовага сына Джуліяна Бекер (Julian Becker) і яго лепшага сябра, сабаку пароды ньюфаўндленд па мянушцы Макс, каб адсылаць гэтыя здымкі бацьку хлопчыка, які праходзіць службу удалечыні ад дома.
Такім арыгінальным спосабам жанчына падтрымлівае сувязь з мужам, афіцэрам ВМС ЗША, якога не бачыць месяцамі, піша pixanews.com.
Сташа (Stasha) — так завуць маці хлопчыка — робіць фота кожную раніцу, у асноўным, на фоне гаражных дзвярэй, перад тым як пасадзіць сына і яго гадаванца ў мінівэн. Аднак часам удалыя здымкі атрымліваюцца падчас сумесных прагулак у лесе, на пляжы ці ў гарах.
«У маі Максу споўніцца шэсць гадоў, а Джуліяну будзе пяць. Яны разам з самага нараджэння сына», — распавядае жанчына, якая працуе фатографам-фрылансерам.
Вялізны сабака — яго вага складае амаль 75 кг — не адыходзіць ні на крок ад свайго маленькага гаспадара. Асабліва ён любіць плаваць разам з Джуліанам, кажа маці хлопчыка.
Джуліян і Макс нарадзіліся ў Англіі, хоць цяпер жывуць у мястэчку Уітбі-Айленд, у штаце Вашынгтон, ЗША.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары