Фатаздымак старэйшага сына Аляксандра Лукашэнкі — памочніка прэзідэнта Беларусі па нацыянальнай бяспецы — змясціў у сваім жж блогер d-zholik
У аб'ектывы Віктар Лукашэнка трапляе нячаста, таму да фота адразу ўзнікла вялікая ўвага.
«Аздабленне і мебліроўка службовага кабінета памочніка прэзідэнта РБ па нацыянальнай бяспецы і па сумяшчальніцтве старэйшага прэзідэнцкага сына Віктара Лукашэнкі, вядома, няслабае.
Асабліва звяртае на сябе ўвагу сейф на заднім плане з правага боку. Размяшчаецца ён на адлегласці выцягнутай рукі і, як гаворыцца, заўсёды пад рукой» — іранізуе блогер.
«А можа гэта такі сімвал беларускай улады, нароўні з дзяржаўным сцягам, размешчаным па левы бок?!» — пакеплівае d-zholik.
У свеце не так шмат краін, у якіх сын кіраўніка дзяржавы займае такую высокую пасаду. У Азербайджане, Сірыі і Паўночнай Карэі ўлада перайшла ад бацькі да сына, а ў Іраку і Лівіі дыктатары рыхтавалі дзяцей сабе ў пераемнікі.Сыны і дочкі кіраўнікоў рабілі палітычную кар'еру таксама ў Індыі (дынастыя Гандзі), ЗША (Бушы), Пакістане (Бхута), М'янме (Су Чжы), Філіпінах (Акіна), Інданэзіі (Сукарнапутры), Паўднёвай Карэі, але там змена ўлады адбывалася дэмакратычным шляхам, а кіраўнікі краіны мяняюцца.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект3
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары