Лукашэнка заявіў, што ў падзеях ва Украіне вінаваты Януковіч, і больш ніхто
Аляксандр Лукашэнка мяркуе, што былы прэзідэнт Украіны Віктар Януковіч сам вінаваты ў тым, што страціў сваю пасаду. І ён жа нясе галоўную адказнасць за ўсе падзеі, што разгарнуліся ва Украіне пасля.
«Пры Віктару Фёдаравічу Януковічу была створана такая сістэма кіравання краінай… Не хацелася б яе характарызаваць, але тое, што я ведаю, такая сістэма пабораў, хабараў і карупцыі, якая была проста нясцерпная для народу», — заявіў Аляксандр Лукашэнка 17 кастрычніка на прэс-канферэнцыі для расійскіх рэгіянальных СМІ.
Пры Януковічу, сказаў Лукашэнка, была «страчана кіраванасць, страчаныя ўсякія арыенціры».
«Віктар Фёдаравіч са сваімі паплечнікамі фінансаваў, хто б мог падумаць, «Правы сектар», бо той нібыта супраць Юлі быў. Ён сам стварыў сілу, якая потым яго і знішчыла», — мяркуе Лукашэнка.
Ён падкрэсліў, што «папярэджваў Віктара Фёдаравіча, што гэтага рабіць нельга». «Я папярэджваў Пуціна, што такія працэсы адбываюцца ў Украіне», — сцвярджае Аляксандр Лукашэнка.
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары