«Раскамнагляд» адмовіўся ад расшырэння паўнамоцтваў пасля публічнага абмеркавання
Ведамства паслухала экспертаў і расхацела быць самастойным цэнзарам.
З праекту загаду «Аб парадку функцыянавання інфармацыйнай сістэмы ўзаемадзеяння» было прыбранае права «Раскамнагляду» на самастойны пошук парушальнікаў у абыход судоў і генпракуратуры, заўважае «Раскамсвабода».
Права быць «самастойным цэнзарам» з праекту загаду пасля абмеркавання на партале regulation.gov.ru, у якім эксперты адзначылі супярэчанні гэтага пункту з федэральнымі законамі 398-ФЗ і 149-ФЗ.
Згаданыя законы кажуць аб тым, што права на патрабаванне блакіроўкі «Раскамнагляд» не мае — ён толькі выконвае тэхнічную функцыю па патрабаванні Генпракуратуры.
Тым не меней, іншыя заўвагі да праекту былі адхіленыя.
Цэнтралізаванай сістэмы публічнага грамадскага абмеркавання законапраектаў у Беларусі няма.
У Беларусі ужываюцца розныя працэдуры грамадскага абмеркавання законапраектаў. Напрыклад, тут можна пакінуць водгук пра праекты законаў, звязаныя з падаткамі. Але па рэзанансных справах меркаванне экспертаў улічваецца далёка не заўсёды.
Эксперты неаднаразова адзначалі неабходнасць публічных абмеркаванняў законаў, у прыватнасці ў сферы высокіх тэхналогій: напрыклад, адносна блакіровак ананімайзераў ці пазбаўлення ПВТ часткі льгот.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары