На заводзе металаканструкцый у Маладзечне рабочыя адмовіліся выходзіць на работу ВІДЭА
8 чэрвеня работнікі маладзечанскага завода металаканструкцый адмовіліся выходзіць на работу. Яны патрабавалі выплаціць запазычанасці па заробках.
На заводзе працуюць 1130 чалавек. Людзі не маюць чым плаціць камунальныя плацяжы і за садкі дзецям.
Рабочыя знялі сустрэчу з кіраўніцтвам прадпрыемства на відэа. Менеджары паабяцалі разлічыцца да канца тыдня толькі з часткай пазыкаў.
«Перспектыва нулявая, — шчыра прызнала на сустрэчы кіраўніцтва. — [Нашай прадукцыі] не хочуць у Расіі. Захоўвайце грошы, якія атрымаеце, толькі на ежу», — сумленна папярэдзілі менеджары.
«Вы яшчэ атрымаеце адзін заробак у ліпені. Напэўна, прыйдзе новае кіраўніцтва і разруліць», — разводзяць рукамі яны. А працаваць — «справа сумлення кожнага з вас». Гэткая заява выклікала рогат рабочых.
«А калі вы зараз не пойдзеце працаваць, то зарплаты не будзе ўвогуле», — засцераглі менеджары.
Кіраўнікі прадпрыемства звязваюць надзеі з будоўляй шахтаў будучага «Слаўкалія». Аднак многія праекты замарожаныя ў сувязі з абвалам расійскай эканомікі ў выніку санкцый за агрэсію ва Украіне.
«Людзі да таго дажыліся, што хлеба няма за што купіць! Паўгода ўжо во дзе сядзім! Увайдзіце ў наша становішча!» — крычаў немалады рабочы.
Глядзіце відэа:
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары