Кіраўнік ТБМ Алег Трусаў назваў «супярэчлівым стан беларускай мовы ў краіне ў пачатку XXI стагоддзя»
У інтэрв’ю БелаПАН старшыня грамадскага аб’яднання «Таварыства беларускай мовы імя Францішка Скарыны» Алег Трусаў назваў «супярэчлівым стан беларускай мовы ў краіне ў пачатку ХХІ стагоддзя». Паводле яго слоў, з аднаго боку, скарачаецца сфера ўжывання роднай мовы ва ўсіх дзяржаўных структурах, у першую чаргу ў дзейнасці міністэрстваў і ведамстваў, у судах і пракуратуры.
«З іншага боку, сярод простых людзей, асабліва ў горадзе, узрастае павага да беларускай мовы, яна становіцца ўсё больш папулярнай у асяроддзі інтэлігенцыі і гарадской моладзі», — сказаў А.Трусаў.
Паводле яго слоў, гэтыя два супярэчлівыя працэсы паказваюць, што лёс роднай мовы залежыць ад кожнага грамадзяніна Беларусі.
«Калі кожны з нас зробіць хаця б невялікае намаганне, каб размаўляць на роднай мове і карыстацца ёю ў паўсядзённым жыцці, то перспектывы беларускай мовы — абнадзейваючыя».
Нагадаем, напярэдадні Міжнароднага дня роднай мовы ТБМ заклікала грамадзян Беларусі «больш смела і з ахвотай карыстацца беларускай мовай у розных жыццёвых сітуацыях».
Сёння з 15.00 да 17.00 у сталічным Палацы мастацтва ТБМ з нагоды Міжнароднага дня роднай мовы праводзіць мерапрыемства «Беларуская мова ў свеце». У яго праграму ўключаны прэзентацыя ўкраінска‑беларускага слоўніка і пераклада Валерыя Стралко на ўкраінскую мову паэмы Якуба Коласа «Новая зямля». На мерапрыемства запрошаны дыпламаты, міністры, выкладчыкі і студэнты.
«Такім чынам мы ўшануем беларускую і ўкраінскую мовы — самыя блізкія мовы ў свеце», — сказаў А.Трусаў.
Святочныя мерапрыемствы, прысвечаныя Міжнароднаму дню роднай мовы, пройдуць у многіх гарадах Беларусі.
-
Лявон Вольскі: «Калі хто думае, што з сённяшнімі спадкаемцамі савецкіх катаў ды забойцаў можна пра нешта дамаўляцца, ён жорстка памыляецца»
-
Дзядок: «Ніякая палітычная мэта не каштуе жыцця людзей»? У вас нуль разумення палітыкі і нуль разумення жыцця
-
Статкевіч на зварот Золатавай і Калеснікавай: Ён абясцэньвае пакуты і ахвяры, гэта ідэалогія прыстасаванства
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары