Алена Анісім пракаментавала збор подпісаў за бел-чырвона-белы сцяг, арганізаваны Дашкевічам
Намесніца старшыні Таварыства беларускай мовы, дэпутатка Палаты прадстаўнікоў Алена Анісім падтрымала збор подпісаў за ўключэнне нацыянальнага сцяга ў спіс нематэрыяльных гісторыка-культурных каштоўнасцей Беларусі.
«Безумоўна, я гэтую акцыю падтрымліваю. Пад гэтым сцягам у канцы ХХ стагоддзя нарадзілася наша незалежнасць, незалежнасць Беларусі як самастойнай краіны, — сказала Анісім. — У нас, у ТБМ таксама збіраюць подпісы за гэта, я свой ужо пакінула».
Праўда, удзельнічаць у зборы подпісаў сама Алена Анісім не плануе.
«Не трэба лезці ва ўсё, я так лічу. У нас ёсць грамада, якая гэта выдатна робіць сёння. Зміцер Дашкевіч арганізаваў гэты збор і вельмі добра ім займаецца», — паведаміла яна.
Ці зможа Анісім неяк дапамагчы працэсу як дэпутат?
«Ну, пакуль пра гэта казаць рана, — адказала Анісім. — Але пабачым. Калі будзе магчымасць зрабіць адпаведныя крокі, то я іх, канечне, зраблю».
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту40
Каментары