Спэктаклем па Васілю Быкаву «Пайсьці й не вярнуцца» распачаўся паказ дыплёмаў 4 курсу спэцыялізацыі «акторскае майстэрства драмтэатру й кіно» Беларускай дзяржаўнай акадэміі мастацтваў.
Па заканчэньні спэктаклю ў залі зрабілася кароткая цішыня, пасьля ж публіка аплядавала студэнтам стоячы.
«Пайсьці й не вярнуцца» распавядае гісторыю партызанаў Антона й Зосі — іх любоўных стасункаў ды канфлікту, што прывёў да трагедыі.
Разам зь іншымі спэктаклямі студэнтаў БДАМ, «Пайсьці й не вярнуцца» можа скласьці рэпертуар новага тэатру, які ствараецца зараз у Менску ў раёне станцыі мэтро «Аўтазаводская».
Гэтымі днямі 4‑ы курс БДАМ пакажа спэктаклі па Нікалаю Гогалю, Антону Чэхаву й Грыгорыю Горыну, а ў пятніцу запрашае на прэм’еру — канцэрт «Увесь сьвет — тэатар».
Цяпер чытаюць
Той самы масажыст расказаў, навошта здымаў голых кліентак19
Каментары