Кожную восень інтэрнэт мільгаціць прыгожымі фотасесіямі з удзелам апалай лістоты — нехта закопваецца ў яе, нехта абсыпае сябе рознакаляровым лісцем. Вось толькі захапляцца гэтым не варта, паведамляецца на сайце цэнтра «Фобас».
Па-першае, на лісці асядае ўвесь пыл і бруд, які лунае ў гарадскім паветры, а затым лісце збірае ў сябе і тое, што было на зямлі.
Па-другое, спецыялісты папярэджваюць, што такія фотасесіі могуць спрычыніцца да цэлага букета захворванняў — ад кан'юктывіту да птушынага грыпу.
Пры адносна цёплым і вільготным надвор'і ў апалым лісці ўтвараецца шмат плесневых грыбкоў. Плесневыя грыбкі могуць выклікаць алергію, абвастрэнне бранхіяльнай астмы, кашаль, насмарк, закладзенасць носа, кан'юктывіт.
У апалай лістоце могуць хавацца і больш сур'ёзныя хваробы. Сярод іх — хламідыёз, сімптомы якога ў чалавека — дрыжыкі, болі ў цягліцах і грудзях, кашаль. Ускладненні могуць быць звязаныя з павелічэннем селязёнкі і запаленнем цягліц сэрца. Калабацылёз — больш вядомы як кішачная палачка — выклікае вострую дыярэю. Узбуджальнікі здольныя трапляць у лістоту з птушыным памётам.
Там жа можа знаходзіцца і вірус птушынага грыпу, перадача якога, як кажуць эксперты, не выключаная пры ўдыханні дробных часціц і кантакце з паверхнямі, на якія патрапілі шкоднасныя мікраарганізмы.
Таму, як раяць спецыялісты, значна больш разумна ставіцца да прыгажосцяў прыроды так, як гэта прынята ў Японіі — проста сузіраць.
Каментары