Праблемы пагаршэння якасці нафты, якая паступае з Расіі па трубаправодах у Беларусь, носяць тэхнічны характар і будуць ліквідаваны ў найбліжэйшы час, паведаміў журналістам прадстаўнік Мінэнерга.
«Праблема носіць тэхнічны характар і не звязаная з пытаннямі, якія абмяркоўваюцца з беларускімі партнёрамі ў частцы ўзаемаадносін у нафтагазавай сферы на сярэдне- і доўгатэрміновую перспектыву», — падкрэсліў спікер ведамства.
Мінэнерга таксама падкрэсліла, што з беларускімі партнёрамі па гэтым пытанні «ідзе канструктыўны дыялог».
Пагаршэнне якасці экспартаванай нафты звязана з перавышэннем нарматыву па колькасці арганічных хларыдаў. Кампанія «Транснафта» ўжо прыняла меры па прывядзенні гэтага паказчыка ў норму, «уключаючы лакалізацыю ачага ўзнікнення падвышанай канцэнтрацыі і перанакіравання грузапатокаў», падкрэслівае Мінэнерга.
Мінімізаваць наступствы для беларускіх НПЗ кампанія мае намер таксама за кошт задзейнічання альтэрнатыўнага маршруту забеспячэння Мазырскага і Наваполацкага заводаў.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары