У цэнтры Мінска на будынак устанавілі герб сербскіх алігархаў ФОТА
На бізнес-цэнтр BK Capital Palace ўстанавілі герб сербскіх алігархаў Карычаў, якім належыць фірма-забудоўшчык Dana Holdings. Будынак узвялі на месцы знесенага музея Вялікай Айчыннай вайны, піша Еўрарадыё.
Надпісы па баках ад герба азначаюць Braća Karić [браты Карыч] і Capital Palace. Пры гэтым на ранніх рэндарах ніякага герба на франтоне не было. Прынамсі, на сайце Dana Holdings малюнак бізнэс-цэнтра без герба і якіх-небудзь надпісаў.
Браты Карычы адны з найбуйнейшых дэвелапераў у Беларусі. Іх кампанія Dana Holdings займаецца татальнай забудовай Мінска. За ўвесь час дзейнасці ў Беларусі намаганнямі Dana Holdings да 2019 года было пабудавана і прададзена больш за мільён квадратных метраў. Быў уведзены ў эксплуатацыю адзін з найбуйнейшых у краіне гандлёвых цэнтраў Dana Mall і бізнес-цэнтр Dana Center. У цяперашні час кампаніі холдынга будуюць жылы квартал «Мінск Свет» у раёне былога мінскага аэрапорта, а таксама жылыя комплексы Vogue і «Парк Чалюскінцаў».
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту61
Каментары