Вера Палякова-Макей: Я давяраю мужу на тысячу працэнтаў. У яго нейкая інтуіцыя
Пра гэта актрыса, тэлевядучая, жонка міністра замежных спраў Уладзіміра Макея распавяла ў інтэрв'ю sb.by, адказваючы на пытанне, ці адмаўляецца яна часам ад якіх-небудзь прапановаў.
«Адмаўляюся, і яшчэ як, — кажа яна. — Часам па просьбе мужа. Я яму давяраю на тысячу працэнтаў. Ёсць у яго нейкая інтуіцыя. Ён кажа: «Вера, табе гэта не трэба, павер». Праходзіць час, і я разумею, як ён меў рацыю: гэта ўсё было не трэба, гэта не падняло б мой узровень, магчыма, нават панізіла б яго.
Аднак калі яна паведаміла мужу аб працы ў праграме «Наша раніца» на АНТ, то пачула: «Цябе і раніцай дома не будзе?» «Ты нічога не заўважыш!» — сказала я. Але, вядома, ён усё заўважае. Працы стала больш.
«І я разумею ўнутрана, што мужу гэта не зусім падабаецца. Аднак вельмі спадзяюся, што тое, што я раблю на тэлебачанні, яго не засмучае і грэе душу. Хоць ён і робіць заўвагі. Прычым досыць жорстка.
Але калі б ён са мной «сюсюкаў», я не дасягала б таго, чаго дасягаю, і не рухалася б наперад. Усе мы артысты славалюбныя, у кожнага можа здарыцца зорная хвароба. Але ў мяне ёсць муж і мама, якія перыядычна падразаюць мне крылы і не даюць моцна ўзнесціся», — рэзюмуе Вера Палякова-Макей.
Той самы масажыст расказаў, навошта здымаў голых кліентак2
Каментары