Цапкала: Калі і прайграваць, то любому з кандыдатаў, акрамя Лукашэнкі
Былы дыпламат і кіраўнік Парка высокіх тэхналогій Валерый Цапкала даў інтэрв'ю расійскаму Forbes.
Цапкала адзначыў, што будзе абапірацца на прафесіяналаў і агульную дэцэнтралізацыю.
«Я маю намер правесці канстытуцыйную рэформу з прыцэлам на стварэнне змяшанай сістэмы дзяржкіравання, якая нагадвае Пятую рэспубліку ў Францыі: парламенцкія выбары па партыйных спісах; прызначэнне на пасаду прэм'ер-міністра лідара кіруючай партыі ці кааліцыі; фарміраванне ўрада з партыйных лідараў; стварэнне незалежнай судовай сістэмы, магчыма, на першым часе з прыцягненнем замежных спецыялістаў; акцыянаванне дзяржаўных СМІ, бо ў грамадстве павінна быць магчымасць выказвання розных пунктаў гледжання», — заявіў Цапкала.
На гэты момант каманда Цапкалы выдаткавала $20 000 з дазволеных заканадаўствам на кампанію $100 000.
«Кампанія аказалася значна таннейшай, чым я меркаваў: брэндаваныя кепкі, майкі, тумбы каштуюць невялікіх грошай, і самі выбаршчыкі актыўна дапамагаюць. Палітычная актыўнасць беларусаў сур'ёзна адрознівае гэтыя выбары ад папярэдніх: я выдаткаваў у сацсетках на рэкламу $300 — і ўбачыў яе бессэнсоўнасць: інфармацыя сама хутка разлятаецца па сетцы», — сказаў патэнцыйны кандыдат.
Цапкала заявіў, што ў выпадку пройгрышу гатовы застацца ў палітыцы.
«Але калі ўжо прайграваць, то я б палічыў за лепшае прайграць любому з кандыдатаў, акрамя Лукашэнкі. Я разумею, што, хто б ні прыйшоў да ўлады ў Беларусі, ён павядзе краіну па дэмакратычным шляху развіцця: у краіне пачне развівацца рынкавая эканоміка, дзе бізнэс не будзе крымінальным злачынствам, дзе грамадзяне змогуць свабодна і без боязі рэалізоўваць свае базавыя правы, у тым ліку права на выказванні ўласнага меркавання, права на ўдзел у публічных акцыях, сходах, мітынгах», — адзначыў патэнцыйны кандыдат.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»7
Каментары